Nuk ka aq shumë presion sa marrëdhënia me prindërit dhe me to mund të mësojmë përvoja të reja dhe njohuri që zakonisht nuk vijnë nga njerëz të tjerë.
Vëllezërit janë partnerët tanë të mëdhenj, me të cilët ne ndajmë aventura unike! Ata janë besimtarët tanë, ata që i drejtohemi kur nuk kemi njeri me të cilin të flasim. Ata janë padyshim disa nga njerëzit më të rëndësishëm në jetën tonë dhe, pavarësisht nga të gjitha betejat dhe divergjencat, e dimë se ata kurrë nuk do të na lënë vetëm.
Hulumtuesit të motivuar për të kuptuar forcën e lidhjes mes vëllezërve dhe mënyrës se si kjo lidhje ndikon në jetën e tyre kanë kryer kërkime për të krahasuar ndikimin vëllezërve dhe motrave në jetën e prindërve.
Studiuesja ishte Dr. Laura Padilla-Walker, e cila njëkohësisht është edhe profesoreshë në Universitetin Brigam Jang. Janë studiuar rreth 400 familje me më shumë se një fëmijë, të moshës ndërmjet 10 dhe 14 vjeç, dhe rezultatet treguan se vëllezërit e motrat më të vjetra mund t’u mësojnë vëllezërve të tyre më të vegjël gjëra që edhe prindërit nuk mund ta bëjnë. Ndër shumë gjëra që mësuan nga më të rriturit, studimi ka treguar dashamirësinë, bujarinë dhe madje ka theksuar që na bëjnë të ndihemi më të sigurt në çdo moment të jetës.
Është zbuluar gjithashtu gjatë studimit se familjet me vajza kishin më pak gjasa të vuanin nga depresioni në të gjitha periudhat e jetës. Dr. Padilla thotë se kjo ndodh për shkak se gratë kanë tendencë të jenë më të hapura dhe më ekspresive sesa meshkujt, prandaj mund të jenë më të dobishme në parandalimin e problemeve emocionale.
Ky studim është një lajm i madh për vëllezërit dhe një arsye e madhe për ne që të rilidhemi me këta njerëz që janë kaq të rëndësishëm për lumturinë tonë.
Burimi / italiafeed.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
