E kemi thënë dhe rithënë shpesh, kur të dy partnerët janë shumë të afërt me njëritjetrin, kanë hedhur bazat thelbësore që lidhja të zgjasë sa më gjatë. Dashuritë nuk kanë nevojë thelbësore për intimitet. Ato mund të jenë të ndezura nga pasioni, por, me të mbaruar zjarri, mbetet vetëm hiri dhe ndonjëherë edhe vetë çifti përfundon i djegur. Përse ndodh kjo? Kemi përzgjedhur disa këshilla të vlefshme…
A mjafton dashuria dhe përputhja në çift për ta bërë marrëdhënien sa më afatgjatë? Po, me kusht që të mos bien në monotoni. Kemi përzgjedhur disa këshilla të vlefshme:
Dëgjojeni njëri-tjetrin
Gjatë fazave të para të dashurisë, të dy partnerët kanë tendencën të dëgjojnë dhe perceptojnë atë që dëshirojnë, domethënë që, pa e kuptuar, vëmendja fokusohet në gjithçka të bukur të tjetrit. Pastaj, kur faza e parë e dashurisë mbaron, dalin në pah të tjera gjëra. Sapo kalohet kjo fazë lidhja konsolidohet, por ekziston rreziku se mos njëri nga partnerët apo edhe të dy bien në monotoni. Ja përse një nga sekretet që duhet të kini parasysh është të dëgjoni gjithmonë: me veshë, me zemër dhe me shikim. Nuk ka marrëdhënie të vërtetë që zgjat në kohë nëse nuk dëgjoni partnerin.
Argëtohuni
Çdo çift i shëndetshëm, pavarësisht nga shijet që secili prej partnerëve ka, duhet të dijë edhe të argëtohet. Këtë nuk duhet ta harroni asnjëherë. Jo domosdoshmërish duhet të dilni nga shtëpia, të bëni gjithmonë gjëra të reja, të takoni gjithmonë njerëz apo të shkoni në lokale që nuk keni qenë më parë. Rëndësi ka të programoni, planifikoni, sepse vetëm kështu është më e lehtë të gjeni kohën e duhur, veçanërisht kur keni ditë të ngarkuara me punë. Duhet të mbani gjallë lojën, argëtimin. Mjafton një vallëzim në kuzhinë, krejt papritmas, apo një “luftë” argëtuese me jastëkë, apo të uleni në divan dhe të shihni filmin tuaj të preferuar. Mënyra ka sa të duash, mjafton të keni dëshirë.
Jini kureshtarë për njëri-tjetrin
Shpesh ndodh gjithmonë kështu: e marrim të mirëqenë faktin që personi që dashurojmë, shpirti binjak na do pafundësisht. Ia njohim shijet, mendimet, zakonet, por kjo nuk mjafton. Sipas Proust, «udhëtimi i vërtetë drejt zbulimit nuk është te kërkimi i tokave të reja, por të kesh sy të rinj”, dhe kjo shprehje merr më shumë vlerë me personin që dashuron. Vetëm kështu marrëdhënia mund të mbahet e gjallë dhe, nëse e arrin këtë, çifti mund të jetojë gjatë në lumturi.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
