Kafeina është gjëja e parë që të vjen në mendje kur përmend kafen. Por ajo përmban gjithashtu antioksidantë dhe substanca të tjera aktive që mund të reduktojnë inflamacionet e brendshme dhe të mbrojnë nga sëmundjet.
Por cilat janë disa nga efektet pozitive që sjell konsumi i kafesë?
Ju mund të jetoni më gjatë.
Studime të kohëve të fundit kanë zbuluar se konsumuesit e kafes kanë më pak gjasa të vdesin nga disa nga shkaqet kryesore të vdekjeve të grave: sëmundjet koronare të zemrës, goditjeve në tru, diabeti dhe sëmundjet e veshkave.
Trupi juaj mund ta përpunojë glukozën(apo sheqerin) më mirë.
Kjo është teoria pas studimeve që nxorën që njerëzit që pijnë më shumë kafe kanë më pak gjasa të preken nga tipi 2 i diabetit.
Ka më pak mundësi që të zhvilloni insuficiencë kardiake.
Pirja e një deri në dy filxhanë kafeje në ditë mund të ndihmojnë të ruheni nga insuficienca kardiake, kur një zemër e dobësuar ka vështirësi të pompojë mjaftueshëm gjak për trupin.
Ka më pak mundësi të prekeni nga sëmundja e Parkinsonit.
Kafeina jo vetëm që lidhet me një shans më të ulët për të zhvilluar sëmundjen e Parkinsonit por mund të ndihmojë gjithashtu ata persona që janë të prekur që të kontrollojnë më mirë lëvizjet e tyre.
Mëlçia juaj do ju falënderojë.
Si kafja e dekafeinuar dhe ajo e zakonshmja duken të kenë efekt pozitiv për mëlçinë tuaj. Studimet tregojnë se konsumuesit e kafesë kanë më shumë mundësi ti kenë nivelet e enzimave të mëlçisë në një shkallë më të shëndetshme se sa ata që nuk konsumojnë kafe.
ADN-ja juaj do të jetë më e fortë.
Kafeja e pjekur e errët ul thyerjet e fijeve të AND, që ndodhin në mënyrë të natyrshme por që mund të çojë në zhvillimin e kancereve apo tumoreve nëse nuk riparohet nga qelizat.
Gjasat për t’u prekur nga kanceri zorrës së trashë do të ulen shumë.
Një në 23 gra zhvillojnë kancer të zorrës së trashë. Por studiuesit kanë zbuluar se konsumuesit e kafesë kishin 26 % më pak gjasa që kjo të ndodhte.
Mund të ulni riskun tuaj për tu prekur nga sëmundja e Alzheimerit.
Pothuajse dy të tretat e amerikanëve që jetojnë me Alzheimer janë gra. Por kafeina në dy filxhanë kafeje mund të sigurojë një mbrojtje të rëndësishme kundër zhvillimit të kësaj sëmundjeje. Në fakt, studiuesit kanë zbuluar se gratë e moshës 65 vjeç dhe më shumë që pinë dy deri në tre filxhanë kafeje në ditë kishin më pak gjasa të prekeshin nga demenca.
Por pavarësisht këtyre përfitimeve shëndetësore që sjell konsumimi i kafesë duhet të tregoni shumë kujdes me sasinë që konsumoni dhe mos ta merrni atë në sasi të tepërt. Konsumimi i tepërt i kafesë mund të shkaktojë:
- Rrahje të shpejta të zemrës
- Rritje të tensionit të gjakut
- Ankth
- Vështirësi për të fjetur
Burimi / shendeti.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
