Të punuarit nga shtëpia është një avantazh, pasi shmang shqetësimet e vonesave në mëngjes, por ata që punojnë nga shtëpia duhet të përballen me shqetësimet e rezistimit ndaj tundimit të frigoriferit, si dhe mungesa e marrëdhënieve shoqërore. Përveç kësaj, njerëzit që punojnë në shtëpitë e tyre kanë një jetë shumë më pak aktive se ata që shkojnë në zyrë, kështu që aktiviteti fizik është më i vogël.
Nëse punoni nga shtëpia, këto 10 këshilla do t’ju ndihmojnë të qëndroni në formë dhe në të njëjtën kohë të jeni produktiv:
Zgjidhni karrigen e duhur. Sigurohuni që keni një karrige të mirë, e cila mundëson qëndrimin në mënyrën e duhur, përndryshe do të përjetoni dhimbje shpine dhe legeni.
Krijoni vendin tuaj të punës. Njerëzit që kanë një vend të caktuar për të punuar kanë produktivitet më të madh dhe më pak stres se ata që përpiqen të punojnë në vende të ndryshme në shtëpitë e tyre. Gjeni një vend në shtëpinë tuaj që mund të përdoret vetëm për punë.
Lëvizni. Ngrihuni dhe bëni pak shtrirje apo edhe vetëm një udhëtim rreth shtëpisë për 5 minuta çdo orë dhe dilni të paktën një herë në ditë.
Ndiqni një orar. Vendosni një orar pune dhe ndiqeni çdo ditë. Duke punuar vonë mund të ndikojë në gjumin tuaj dhe të ketë pasoja për shëndetin tuaj.
Jepini përparësi ushtrimit. Pesë herë në javë, merrni 30 minuta nga koha juaj për t’u ushtruar, dhe respektojeni atë sikur të ishte një takim pune.
Qëndroni të hidratuar. Pirja e sa më shumë uji dhe qëndrimi i hidratuar është një tjetër hap i rëndësishëm për një jetesë të shëndetshme. Jini të kënaqur me të paktën 8 gota në ditë nëse doni të mbani të hidratuar trupin.
Mos u ulni në tryezën e punës me pizhame. Gabimi më i madh që bëhet zakonisht është që të shkojnë në tavolinën e punës me pizhame. Për të rritur produktivitetin ditor dhe shëndetin psikofizik, vishni diçka pothuajse si të shkoni në zyrë.
Ushqehuni shëndetshëm. Eliminoni të gjitha ushqimet e pahijshme dhe hani sa më shumë fruta (të pasura me ujë), perime (të lehtë për të prerë dhe të ngrënë) dhe arra të ndryshme (të mbushura me proteina). Në këtë mënyrë ju nuk do të tundoheni për të ngrënë ushqim të keq në një moment të vështirë.
Krijoni mjedisin e duhur. Duke punuar nga shtëpia ju lejon të personalizoni temperaturën, ndriçimin ose aromat që përmbushin të gjitha nevojat tuaja. Kur jeni nën presion, provoni dhe pak muzikë relaksuese.
Shiko për vende të reja. Gjej bare, kafene, parqe ose biblioteka të pajisura me wi-fi. Në këtë mënyrë ju do të shmangni qëndrimin tuaj si në burg.
Përgatiti: Brikela Daci / Burimi / http://www.nonsprecare.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
