Të mos manipuloheni, por njëkohësisht të dini të dëgjoni dhe të bindni të tjerët: këto janë aftësitë më të rëndësishme komunikuese. Mungesa e këtyre cilësive mund të provokojë shumë bezdi… po ju si ia dilni mbanë? Zbulojeni duke iu përgjigjur pyetjeve të këtij testi…
- Nuk ndjen më dashuri për partnerin. Si ia thua?
a. “Ndjenjat e mia kanë ndryshuar.”
b. “Nuk jam njeriu i duhur për ty.”
c. “Ndihem konfuze.”
- Gënjeshtrat sipas teje…
a. Janë të nevojshme.
b. Janë njerëzore.
c. Të futin në telashe.
- Nëna jote të thotë shpesh se e lë veten pas dore.
a. E pyet se çfarë pret nga ty.
b. I kujton se sa shumë e do.
c. Ndihesh keq dhe hesht.
- Partneri nuk të flet, sepse është inatosur…
a. Pret që t’i kalojë inati.
b. I qëndron sa më larg.
c. Vazhdon i flet, edhe pse ai jo.
- Dëshiron një rritje rroge…
a. I bën lajka shefit.
b. I kërkon me humor rritje rroge.
c. I bën një kërkesë formale.
- Një koleg në punë vetëm ankohet:
a. I thua se nuk fiton gjë duke u ankuar.
b. Nuk e dëgjon.
c. I jep të drejtë, që të mos e dëgjosh gjithë ditën.
- Yt bir adoleshent nuk i respekton oraret:
a. Sa keq, nuk do të dalë më me shokët.
b. I kërkon me këmbëngulje të respektojë oraret.
c. Ankohesh, por nuk merr masa.
- Një shitëse do t’ju shesë një objekt që nuk ju hyn në punë:
a. Nuk e dëgjon fare.
b. I thua që nuk të duhet dhe largohesh.
c. Ndihesh e turpëruar dhe në siklet.
Më shumë A
ASKUSH NUK TË NDAL KUR MENDON SE KE TË DREJTË
Ka vetëm një gjë që vlen: vetëm mendimi që thua ti. Duke u nisur nga kjo gjë sigurisht nuk të mungon guximi për të ecur përpara me idetë që ke. Dhe këtyre ideve u shton edhe aftësitë e shkëlqyera të komunikimit, për t’u shndërruar më pas në një lider mendimesh dhe në disa raste në një manipulues tejet i zotë…
Më shumë B
DI TË MBROSH IDETË E TUA, EDHE PSE JO ME KËMBËNGULJE
Ke idetë e tua mbi gjërat, por je gjithashtu e vetëdijshme që bëhet fjalë vetëm për një nga mënyrat e shumta se si interpretohet realiteti. Je e hapur të dëgjosh dhe e aftë të dialogosh. Kjo gjë ju bën një dëgjuese ideale, por edhe një nga këshillueset më të mira, pasi i lë të tjerëve lirinë dhe hapësirën e duhur, pa u ndërhyrë dhe pa i imponuar idetë dhe mendimet e tua.
Më shumë C
E PASIGURT, DORËZOHESH DHE BINDESH NGA TË TJERËT
“Thembra e Akilit” është mungesa e besimit që ke në vetvete dhe në ato që mendon. Kur ti së pari nuk ke siguri, si mund të arrish të jesh bindëse për të tjerët? Ama, një këshillë e kemi dhe për ty: askush nuk ka të drejtë apo e ka gabim për aq kohë sa këndvështrimet janë të ndryshme për çdo person.
Përgatiti: Manjola EREQI | Botuar në Revistën “Psikologjia”, Nr. 141
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
