Sjellim në vëmendje historinë e Dajanës në Vlorë. Historinë e saj të dhimbshme “Shqiptarët për shqiptarët” e kanë trajtuar në sezonin e kaluar. Vajza është diagnostikuar me skoliozë. Gjyshja lutet që mbesa të ketë një jete normale.
Stafi i emisionit “Shqiptarët për shqiptarët” shkoi me urgjence tek vajza pasi masa e saj tumorale dhe skolioza në shtyllën kurrizore po i përkeqësohet çdo ditë. Vajza nuk del dot, e vuan shumë sëmundjen, nuk ka fuqi, nuk del dot as në pushim të orëve të mësimit, lodhet shpejt dhe i merret fryma. Dajana ka vetëm gjyshen që kujdeset për të.
Shokët dhe shoqet e klasës bëjnë thirrje për ndihmë. “Më kanë qëndruar pranë në ditët më të vështira” thotë Dajana.
Gjyshja e saj Vjollca nuk i përmban lotët kur flet për mbesën që e ka rritur mes halleve dhe vuajtjeve “ mbesën e kam rritur vetë. Në klasë të katërt vajzës i doli një nishan në kurriz”. Një mjek i huaj ja ktheu shpresën por operacioni kushton shumë para. “Ju lutem ndihmojeni mbesën time, e ka zili gjithë shkolla është një engjëll. Gjithë jetën time nuk ka pasur asnjë ditë të bardhë” thotë Vjollca duke lotuar. Në studio Elvis Naçi i përlotur bëri një premtim për ta ndihmuar vajzën të operohej.
Burimi / BalkanWeb
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
