Festat janë koha ideale për të reflektuar se çfarë kemi bërë mirë dhe çfarë mund të bëjmë më mirë. Për të ndihmuar veten, si dhe për të arritur qëllimet ju rekomandojmë të lexoni traditat që shumë kultura të ndryshme i ndjekin. Mbase pse jo, ju sjell fat dhe juve…
Mbajini paratë poshtë tapetit
Nëse dëshironi të keni më shumë para vitin që vjen, ndiqni të njëjtën taktikë që ndjek populli rumun. Ata besojnë se nëse i vendosni paratë poshtë tapetit kur ora shkon 12 viti i ri do t’ju sjellë më shumë të ardhura financiare. Për të pasur akoma më shumë fat ju këshillojmë të vishni të brendshme të kuqe ose të thyeni gotat natën e vitit të ri.
Ndizni furrën dhe muzikën
Në shumicën e rasteve paratë vijnë kur fitohen me djersë. Prandaj nëse dëshironi që viti i ri të jetë i mbarë shumë njerëz në Trinidad dhe Tobago besojnë se çelësi është që të keni një shtëpi të pastër dhe të mblidhni familjarët tuaj duke gatuar gjëra të shijshme për ata. Ëndrrat do ju bëhen realitet nëse gatuani fasule të zeza për natën e vitit të ri.
Hani mirë
Populli afgan rekomandon se nëse natën e vitit të ri kombinoni frutat e thata si bajamet, lajthitë, arrat, qershitë, kajsitë dhe rrushin e thatë fati i mirë do ju ndjekë gjatë gjithë vitit tjetër.
Thuajini lamtumirë fatit të keq
Në Brazil njerëzit vishen me të bardha sepse besojnë se në këtë mënyrë viti i ri do t’ju sjellë paqe dhe qetësi mendore. Ata rekomandojnë se viti i ri duhet t’ju gjejë në ujë dhe sapo t’ju afrohen dallgët duhet të hidheni sa më lartë të mundeni.
Mbusheni shtëpinë tuaj me para dhe fruta të rrumbullakëta.
Ndërsa në Filipine nuk është e nevojshme t’i drejtoheni detit në vend të saj ata veshin rroba me pika dhe hidhen aq sa kanë mundësi në mesnatë. Për t’ju sjell akoma më shumë fat ata rekomandojnë të hidhni disa monedha nëpër dhomat e shtëpisë kur ora shënon 12. Gjithashtu mbajini dritat ndezur gjatë natës dhe mbusheni tavolinën e vitit të ri me fruta të rrumbullakëta të madhësive të ndryshme.
Hani disa kokrra rrush dhe bëni gati valixhen
Frutat janë protagonistët kryesor në traditat e Amerikës Latine: Në Venezuelë ose Bolivi, njerëzit për të pasur sa më shumë fat hanë saktësisht 12 kokrra rrushi në mesnatë. Për ata që 2019-ta do t’i gjejë duke udhëtuar ja një truk fatsjellës që mund të bëni: Merrni valixhen dhe bëni disa xhiro rreth shtëpisë, kjo do ju rrisë mundësitë që të shikoni vende të reja gjatë vitit të ri.
Burimi / gsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
