Besimi është një gjë shumë e ndërlikuar. Truri ynë merr më pak se një sekondë për të vendosur nëse duhet apo jo t’i besojmë një njeriu. Nëse vendimet do të ishin të sakta, nuk do të kishte divorce, prishje miqësie apo mashtrime të shumta. Kjo është arsyeja pse njerëzit priren të jenë të dyshimtë dhe të mos i besojnë akujt menjëherë. Por, nëse doni t’i fitoni besimin dikujt, ka disa metoda efektive:
- Tregoni se iu pëlqen
Keni dëgjuar për “reciprocitetin e pëlqimit”? Ajo i referohet tendencës që njerëzit të pëlqejnë dikë që e pëlqen. Kjo ndodh sepse njerëzit ndjejnë ngrohtësi dhe mbështetje nga partneri i tyre. Pra, nëse një ditë doni të fitoni vëmendjen e dikujt, tregoni qëndrim pozitiv ndaj tyre, dhe ka shumë gjasa të merrni të njëjtën dashuri.
- Derdhini kafenë
Duket këshillë e çuditshme apo jo? Ju mbase mendoni se duke derdhur filxhanin e kafes do të dukeni e ngathët dhe do lini përshtypje të keqe, por studimet kanë konfirmuar se dobësitë tona rrisin tërheqjen dhe besueshmërinë.
- Kërkoni falje shpesh
Një tjetër metodë efektive, por shpesh e harrur, për të ndërtuar besim, është të thuash “Më fal”. Hulumtimet kanë vënë në dukje se kjo funksionon për situata që nuk janë të qarta. Për shembull, nëse thoni “Më vjen keq për shiun”, ju shprehni ndjeshmëri dhe keqardhje për diçka që mund t’i ketë ndodhur dikujt.
- Veproni si majmun
Jo duke ngrënë shumë banane apo duke u hedhur nëpër pemë, por me imitimin e shprehjeve të fytyrës, gjesteve dhe sjelljes. Kjo teknikë quhet pasqyrim dhe funksionon vërtet. Për shembull, gjatë një studimi, u vërtetua se burrat vlerësojnë gratë nëse ato kishin sjellje verbale dhe joverbale. Nëse përdorni këtë metodë, mos harroni të pasqyroni modele pozitive. Këto modele është mirë t’i përdorni në situata të përshtatshme.
- Tregoni një sekret
Vetëzbulimi është ndoshta një nga qasjet më mbresëlënëse. Kur ju i tregoni një gjë për veten dikujt për herë të parë, ata do të ndjejnë shqetësimet tuaja dhe do afrohen shumë me ju. Kjo do të bëjë që edhe ata të besojnë sekretet e tyre tek ju. Kjo është vërtetuar dhe shkencërisht.
- Flisni me shpejtësinë e besimit
Disa specialistë konfirmojnë se shpejtësia e duhur e fjalës, ndihmon në ndërtimin e besimit dhe nuk lejon që vëmendja e partnerit të humbasë. Çdo situatë ka nevojë për normën e saj të ritmit të zërit dhe shpejtësisë së fjalës. Për shembull, e folura shpejt nënkupton urgjencë, ngazëllim, ndërsa një ritëm i ngadaltë nënkupton se ju po tregoni diçka me rëndësi.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
