Këtë e demonstron një studim i botuar në Journal of Thoracic Oncology, i cili thotë se pacientët me kancer të mushkërive që e lënë duhanin pas diagnozës, kanë një përmirësim prej 29% në mbijetesën e përgjithshme në krahasim me pacientët që vazhdojnë të pinë duhan.
Studimi u konceptua dhe u krye nga një ekip tërësisht italian studiuesish nga Instituti për Kërkimin, Parandalimin dhe Rrjetin Klinik të Tumorit në Firence dhe Institutin Evropian të Onkologjisë (IEU) në Milano.
Kjo është një meta-analizë e të dhënave të publikuara në literaturën shkencore deri në tetor 2021 për lënien e duhanit pas diagnostikimit të kancerit të mushkërive. Në nivel global, u analizuan 21 artikuj duke ofruar të dhëna për më shumë se 10,000 pacientë.
Studiuesit vërejnë se ka një shpjegim biologjik për këto të dhëna: tymi i duhanit nxit rritjen, përparimin dhe përhapjen e tumorit; zvogëlon efikasitetin dhe tolerancën ndaj radioterapisë dhe terapisë sistemike, dhe rrit rrezikun e komplikimeve postoperative dhe kancerit të dytë primar.
“Studimi ynë sugjeron që mjekët trajtues, duhet t’u komunikojnë pacientëve përfitimet e lënies së duhanit”, – komenton Saverio Caini i Institutit për Kërkimin e Kancerit në Firence, autori i parë i studimit.
“Ne e dimë se 9 nga 10 kancere të mushkërive shkaktohen nga pirja e duhanit, – thotë Sara Gandini, drejtuese e Njësisë së Epidemiologjisë Molekulare dhe Farmakologjike IEO, bashkëautore e veprës – dhe ne e dimë se nëse kapen në kohë ato mund të kurohen me pak trajtime, invazive, por ajo që nevojitet tani është një program i shëndetit publik, i shoqëruar me nisma të strukturuara për ndërprerjen e duhanit.
Përgatiti Orjona Tresa / Burimi ansa.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
