Përgatiti Esmeralda Birçaj, eksperte e shëndetit mendor
Pse vrapojmë në dyqane me një vendosmëri të tillë sapo kemi lekë në kuletat tona? Me çdo blerje të re ndihemi pak më të lumtur, por disa ditë më vonë kjo kënaqësi ‘shkon për një shëtitje’.
Ne vendosëm se ishte koha për të zgjidhur një herë e përgjithmonë këtë problem dhe për të kuptuar se si mund të gjejmë të gjithë lumturinë e vërtetë.
Rezulton se pengesa kryesore për lumturinë është përshtatja. Pasi diçka që kemi blerë bëhet e zakonshme, niveli i kënaqësisë që ndiejmë zvogëlohet dhe ne jemi të detyruar të kërkojmë blerjen tjetër. Ky proces përsëritet vazhdimisht, pa pushim.
Sidoqoftë, studimet në Universitetin Cornell kanë gjetur një mënyrë për të prishur këtë cikël të dëmshëm. Profesori i psikologjisë, Thomas Gilovich, ka treguar se kemi të njëjtën rritje të lumturisë kur blejmë diçka që dëshirojmë dhe kur udhëtojmë. Por – dhe këtu është pika më e rëndësishme – sasia e lumturisë që fitojmë nga blerjet tona bie me kalimin e kohës, ndërsa kujtimet nga përvoja jonë e udhëtimit vazhdojnë të na japin hormonet e lumturisë për shumë më gjatë.
Duke shkuar në lloje të ndryshme të ngjarjeve të pazakonta si: në ekskursione, të mësuarit e aftësive të reja, dhe madje edhe sportet ekstreme – të gjitha këto janë një burim ideal i lumturisë për secilin nga ne. Një pajisje e re apo edhe një veturë e re përfundimisht do të bëhet thjesht një objekt tjetër i zakonshëm që kemi në dispozicionin tonë.
Çdo kujtim i ri, nga ana tjetër, bëhet një burim i vërtetë gëzimi që na shoqëron gjatë gjithë jetës sonë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
