Përmbyllet në Tiranë “Panairi i Punës dhe i Aftësive 2023”, pas një turi në të gjithë Shqipërinë.
Një numër i lartë maturantësh janë dyndur në stendën e ngritur të universitetit “Luarasi” jo vetëm për të marrë informacion për programet e studimit, por edhe për t’u regjistruar, duke përfituar nga uljet deri në 30%. Rektori i universitetit “Luarasi”, profesor dr. Et’hem Ruka, u shpreh i kënaqur nga interesimi i lartë i studentëve dhe të regjistrimeve, të cilat kanë nisur që tani.
Deri tani, jo thjesht kanë shprehur interes, por kanë zënë radhën duke paguar që tani për të studiuar në programe të ndryshme. Tani, është periudha e çmimeve më të ulëta të fushatës sonë promovuese, është gati 30% më lirë. Ftoj prindërit dhe të rinjtë, kush ka dëshirë të studiojë te ‘Luarasi’, ta shfrytëzojë këtë mundësi”, deklaroi rektori Ruka.
Rektori bëri të ditur se universiteti “Luarasi” do të bashkëpunojë me një universitet prestigjioz në Europë, për të mundësuar 3 programe studimi me diploma të dyfishta për studentët.
“Për vitin e ardhshëm, ne kemi filluar një bashkëpunim me një universitet nga më seriozët në Evropë. Kemi përgatitur të gjithë dokumentacionin dhe presim një përgjigje nga Ministria e Arsimit. Do të ketë tre programe studimi për diploma të dyfishta. Studentët shqiptarë nuk kanë përse të vënë jashtë duke shpenzuar shumë më tepër kur mund t’i bëjnë studimet me kosto shumë më të ulët pranë familjeve të tyre dhe marrin një diplomë sikur ta merrnin në një nga vendet më të zhvilluara në Evropë”.
Bioris Dani, studente e vitit të dytë në universitetin “Luarasi”, shprehet shumë e kënaqur me cilësinë e mësimdhënies, korrektësinë dhe praktikat që ofron ky universitet për studentët. “Për mua, ‘Luarasi’ ka qenë zgjedhja e parë. Ua kam sugjeruar të gjithë shoqërisë sime, miqve dhe familjarëve të mi. Për mua është universiteti më i mirë privat në Shqipëri, një universitet serioz për të gjithë gamën e degëve që ofron”.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
