Një ngjyrë e bukur dhe e artë fillon me një dietë të shëndetshme dhe ushqime që ndihmojnë në prodhimin e melaninës. Prandaj, le ta ekspozojmë veten në diell, duke kujtuar se shëndeti i lëkurës dhe i trupit tonë është objektivi ynë i parë.
Ajo që hamë ka një rëndësi vendimtare sepse ndikon në strukturën e brendshme të epidermës sonë. Uji në veçanti është me rëndësi themelore për mbajtjen e lëkurës të hidratuar.
Aleati i madh i nxirjes është beta-karoten, sepse stimulon formimin e melaninës. Antioksidantët janë gjithashtu të domosdoshëm , pasi parandalojnë plakjen e lëkurës dhe dëmtimin që rrezatimi diellor mund të shkaktojë në lëkurë. Vitaminat A, C, E, selen dhe koenzim Q-10 i përkasin kësaj klase substancash, të pranishme në shumicën e ushqimeve me origjinë bimore.
Të gjitha këto substanca janë të pranishme në fruta dhe perime, veçanërisht portokalli, ngjyra e kuqe gjithashtu tregon praninë e likopenit, një substancë që ndihmon lëkurën të rezistojë ndaj ekspozimit të diellit për një kohë të gjatë.
Omega 3 dhe Omega 6 janë gjithashtu të dobishme, të pranishme në farat e lirit, peshk, në fruta të thata, të cilat së bashku me vitaminën E ndihmojnë në ruajtjen e elasticitetit të lëkurës dhe kundërveprimin e foto-plakjes.
Lexoni 10 nga ushqimet e shëndetshme:
Karota – është e pasur me beta-carotene dhe vitaminë A.
Spinaqi – është shumë i pasur me vitaminë A dhe gjithashtu me lutein, të dobishme për mbrojtjen e syve nga dëmtimi i diellit (por mos harroni kurrë syzet e diellit, një domosdoshmëri e vërtetë për mirëqenien vizuale).
Çikore e kuqe – Përmban shumë vitaminë A si spinaqi dhe ka shumë pak kalori, gjë që e bën atë një aleat të madh për ata që përgatiten për provën e kostumeve.
Kajsia – Është gjithashtu e pasur me vitaminë A, lufton plakjen e shkaktuar nga radikalet e lira dhe përmban shumë fibra, të dobishme për rregullimin e funksioneve të zorrëve.
Çikoret – janë shumë të pasura me kripëra minerale, në veçanti kalium, kalcium dhe hekur, të cilat janë thelbësore për të zwvendwsuar ato që humbasin gjatë djersitjes së verës dhe për të ruajtur energjinë.
Domatja – është e pasur me vitaminë A dhe substanca antioksidante, sidomos likopen, që ndihmon në luftën kundër plakjes qelizore dhe dëmtimit nga dielli.
Marule dhe selino – Ato janë shumë të pasura me ujë dhe vitaminë A. Selinoja gjithashtu ka fuqinë për të rregulluar presionin e gjakut.
Pjeshka – Ndihmon trupin të qetësohet dhe hidratohet .
Qershia – Është e pasur me karotenoide dhe kripëra minerale.
Shalqi – Përmban lycopene, është i ëmbël dhe freskues.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
