Cistet ose kistet e vezores zhvillohen dhe rriten në lidhje me lëkundjet hormonale që ka trupi. Problemet e ekuilibrit hormonal mund të bëjnë që këto kiste të rriten dhe të bëhen shumë më të mëdha e madje të shkaktojnë dhimbje. Kistet e vezoreve mund të tkurren dhe të zhduken pa operacione ose ilaçe, thjesht duke krijuar një mjedis të brendshëm hormonal që e mban zhvillimin e tyre nën kontroll.
Në pjesën më të madhe të rasteve, as nuk do ta kuptoni se keni kiste ovariane derisa ato të sjellin simptoma si rezultat i rritjes. Zgjedhjet që filloni të bëni sot mund t’ju ndihmojnë ta shmangni këtë nëse aktualisht keni ciste më të vogla. Shenjat e hershme paralajmëruese të çekuilibrit hormonal si pararendës i rritjes së kistit ovarian janë probleme që lidhen me mungesën e periodave, ciklet e çrregullta etj.
Çdo grua që po përjeton mbingarkesë të estrogjenit – një nga situatat më të zakonshme të çekuilibrit hormonal – rrezikon të zhvillojë ciste në vezore. Simptomat e cisteve në vezore variojnë nga fryrja deri tek urinimi i shpeshtë. Shpesh, një grua që ka një kist ovarian mund të përjetojë dhimbje dhe ethe dhe ka mundësi që ta ngatërrojë edhe me dhimbje apandesiti.
Si tkurren cistet e vezoreve në mënyrë natyrale?
Mjetet natyrale nga pikëpamja funksionale e të ushqyerit janë shumë efektive pasi parandalojnë cistet dhe i tkurrin ose zvogëlojnë ato që tashmë janë të pranishme. Çdo grua me një çekuilibër hormonal mund të ndërmarrë këto veprime në dietën e saj, si masë e kujdesit parandalues, edhe nëse aktualisht nuk e dini nëse keni ciste ovariane.
Çlironi estrogjenin e tepërt– perimet e gjelbra si lakra, kale, brokoli, etj përmbajnë DIM (Di-Indolyl Metan) i cili është shumë efektiv për të ndihmuar trupin dhe procesin e eliminimit të estrogjenit. Mundohuni të konsumoni një prej këtyre primeve në çdo vakt. Si p.sh një asparag me vezë në mëngjes apo brokoli për darkë.
Detoksifikoni mëlçinë tuaj – ndërsa kaq shumë produkte na tregtohen si detoksifikues, e vërteta është mjaft e thjeshtë – ju duhet të hani për të mbështetur funksionin e mëlçisë dhe mënyra më e mirë për ta bërë këtë direkt është me ushqimet. Pra, harrojini çajrat detoksifikues dhe suplementet e zbukuruara dhe përkundrazi hani më shumë vezë për proteina bio, ushqime që përmbajnë glutathione si avokadot dhe asparagu dhe super ushqimet selenike si arrat brazilianë dhe bollguri.
Konsumoni dieta të pasura me fibra. Një dietë e pasur me fibra ul riabsorbimin e estrogjenit në trup dhe ul problemet shëndetësore të lidhura me estrogjenin, përfshirë cistet dhe kancerin e gjirit. Frutat dhe perimet janë burimet më të mira të fibrave për këtë qëllim. Shtoni farat e lirit të pasura me fibra në sallatat, supat dhe smoothie-t tuaja.
Hani ushqimet turshi që i keni qejf pasi ato ndihmojnë trupin tuaj të menaxhojë nivelet e estrogjenit. Estroboloma (një grup i baktereve të zorrëve ose gjeneve të zorrëve) prodhon një enzimë thelbësore që ndihmon në metabolizimin e estrogjenit tuaj të tepërt. Duke ushqyer zorrët tuaja me ushqimin që dëshironi, shërben për të ruajtur ekuilibrin hormonal.
Sinkronizoni ushqimet dhe ushqyesit. Ka 2 nivele kulmore të estrogjenit gjatë ciklit tuaj që duhet të kontrollohen nga zgjedhjet tuaja ushqimore. Metoda e Sinkronizimit të të ngrënit synon ushqime dhe suplemente që përmbajnë ushqyesit që trupi dëshiron në mënyrë që ato të përfitojnë nga estrogjeni që ju nevojitet, dhe të përpunojnë tepricën që nuk ju nevojitet. Ju thjesht mbushni frigoriferin dhe qilarin me ushqime specifike për secilën fazë të ciklit tuaj të hormoneve për të adresuar këtë problem të zakonshëm hormonal.
Mos harroni gjithmonë, që pasi të keni informacionin e duhur për mënyrën sesi trupi juaj funksionon me të vërtetë, mund të filloni të bëni zgjedhje shëndetësore që më në fund fillojnë të funksionojnë për ju!
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
