Ju ndodh ndonjëherë t’ju dalë gjumi dhe të shkoni në kuzhinë për të marrë ndonjë ushqim gjatë natës? Nëse hani ushqimet e mëposhtme, ato do të përmirësojnë gjumin tuaj.
Banane e shtypur me fara kungulli
Bananet rrisin nivelin e melatoninës dhe përmbajnë shumë magnez. Kështu ato përmirësojnë qarkullimin e gjakut dhe relaksojnë muskujt.
Kivi dhe fistikë
Sipas një studimi, personat që vuanin nga pagjumësia dhe konsumonin dy kivi një orë përpara gjumit, treguan përmirësime të modeleve të gjumit.
Patate të ëmbla
Patatet e ëmbla rrisin nivelet e seretoninës, një hormon që ngjall ndjenjën e qetësisë në tru dhe ju ndihmon për një gjumë më të mirë.
Sallatë me avokado dhe vezë
Të dy këta përbërës kanë antioksidantë dhe vlera të rëndësishme si vitamina D, E, K, magnez etj.
Humus me perime të pagatuara
Humusi i shoqëruar me speca, kastravecë, domate apo perime të tjera të pagatuara përmirëson shumë gjumin tuaj.
Salmon dhe sallatë me perime
Peshqit, sidomos ata me përmbajtje të lartë të omaga-3 dhe vitaminës D, si salmoni ndikojnë në përmirësimin e gjumit.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
