Këto kohë flasim shpesh për të ftohtin dhe për pasojat e tij. Kemi dhënë këshilla për trajtimet natyrale që duhet të përdorim kur jemi me grip, ushqimet që duhet të konsumojmë dhe si ta parandalojmë. Por sot do të flasim për ushqimet që nuk duhet të përdorim kur jemi me grip.
Gripi kalon lehtësisht nga personi në person dhe vjen me simptoma të dhimbshme, duke përfshirë dhimbje koke, ethe, dhimbje të trupit, kollë dhe hundë. E rëndësishme është që të ushqeheni mjaftueshëm për t’i dhënë trupit fuqinë e nevojshme për të luftuar virusin. Disa ushqime janë të duhurat, por të tjerat mund të përkeqësojnë simptomat dhe rrisin kohëzgjatjen e sëmundjes.
Përdorimi i një diete të pasur në sheqer është veçanërisht problematike gjatë gripit, sepse shkakton inflamacion. Gjëja e fundit që ju nevojitet në këtë periudhë është inflamacioni. Kjo do ta bëjë shumë më të vështirë largimin e mukusit, i cili është lloji i mjedisit të ngrohtë dhe me lagështi që e pëlqen virusi i gripit. Inflamacioni gjithashtu mund të dobësojë infeksionin e trupit – duke vrarë qelizat e bardha të gjakut.
Ideja që qumështi dhe produktet e tjera të qumështit bëjnë që trupi juaj të prodhojë më shumë mukus është në të vërtetë një përrallë nga e kaluara, por ndodh që për disa njerëz, qumështi bën të mundur trashjen e mukozës duke e bërë atë të qëndrojë më gjatë. Nuk mund të ketë ndonjë përfitim konsumimi i produkteve si qumështi dhe kosi kur je i sëmurë. Ata të dy përmbajnë proteina dhe vitamina D që mund të ndihmojnë trupin tuaj të luftojë infeksionin. Kosi ka probiotikë që mund të ndihmojnë në balancimin e baktereve të zorrëve.
Proteina është e rëndësishme për të mbajtur forcën tuaj gjatë luftës kundër gripit dhe mishi ka shumë proteina. Megjithatë, ai gjithashtu përmban shumë yndyrë, e cila është më e vështirë që të tretet. Disa ekspertë sugjerojnë se yndyrnat e kafshëve mbajnë aftësinë e trupit tuaj për të dëbuar mikrobet që shkaktojnë gripin dhe për këtë arsye zgjasin kohën gjatë së cilës ju përjetoni simptoma. Është më mirë ti merrni proteinat nga vezët, thjerrëzat, fasulet, arrat dhe orizi i egër.
Shumica e njerëzve preferojnë të konsumojnë gjatë gripit ushqime si orizi apo me përmbajtje gruri. Dobësitë e kësaj strategjie janë se këto karbohidrate të rafinuara përhapen në trup shumë shpejt, duke çuar në një kulm të glukozës në gjak dhe duke u ndjerë përsëri i uritur në një kohë të shkurtër. Karbohidratet e thjeshta janë gjithashtu të lidhura me inflamacionin, të cilat ju doni ti shmangni me çdo kusht.
Gjithkush e di se kur jeni sëmurë duhet të pini shumë ujë. Dehidratimi është një nga efektet anësore më të këqija të gripit, sepse vjen me një numër të madh simptomash dhe komplikacionesh. Djersitja si dhe të vjellat e përsëritura, mund të shkaktojnë shumë shpejt dehidratim. Pra, jo vetëm që duhet të pini shumë ujë por duhet të shmangni edhe diuretikët si kafeina, gjë që mund t’ju shkaktojë më shumë urinim. Kafeina sipas shkencëtarëve shkakton dehidratim dhe në ditët kur jeni të sëmurë trupi ka nevojë për pushim.
Burimi / shendeti.com.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
