Tashmë dihet se mëngjesi është vakti më i rëndësishëm i ditës, veçanërisht nëse doni që të bini nga pesha. Por jo të gjithë mëngjeset janë të barabartë. Mbushja e pjatës me ushqime shumë të rënda në mëngjes, mund të shkatërrojë dietën tuaj dhe të prishë qëllimet tuaja, thonë nutricionistët.
Në vend të kësaj, ekspertët rekomandojnë që të fillojnë çdo ditë me një përzierje të shëndetshme të proteinave, yndyrave, karbohidrateve, fibrave dhe ushqimeve anti-inflamatore. Jo vetëm që ky kombinim përmban një grumbull të madh lëndësh ushqyese, por gjithashtu ju ndihmon të shmangni një bark të fryrë.
Gjithmonë duhet ta bëni vezën një element kryesor në ushqimin tuaj në mëngjes, thotë Stacy Goldberg, RN, nutricioniste. Ajo sugjeron gatimin e dy vezëve të pasuruar me omega-3 në një lugë çaji vaji. ‘Dhe po, ju duhet të hani të verdha veze!’ Goldberg tha: “Së bashku me nivelet e larta të vitaminës D dhe biotin, proteina e gjetur në të verdhat e vezëve ju bën të ndjeheni të ngopur gjatë gjithë ditës”.
Bashkoni vezët me bukë gruri, spinaq (ose një gjethe tjetër të gjelbër) dhe një tas me manaferra për një fillim të balancuar të ditës tënde. Kombinimi i fibrave, karbohidrateve dhe antioksidantëve jo vetëm që do të mbajnë belin tuaj nën kontroll, por gjithashtu sigurojnë ushqimin që ju nevojitet për një mëngjes të fokusuar dhe produktiv.
Përgatiti: Brikela Daci / Burimi /www.msn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
