Edhe pse ajo është e njohur për stilin e saj, prerja e flokëve të Sara Kapos. vajza e aktores së njohur Ema Andrea nuk ka të bëjë me modën.
Ajo ka bërë një gjest shumë të bukur duke i prerë fare flokët për t’i dhuruar për fëmijët me kancer.
Ajo mori këtë vendim pas përfshirjes në fushatën “Një fije floku për më shumë buzëqeshje” e cila synon tu vijë në ndihmë fëmijëve të sëmurë me kancer. Një nga qëllimet e kësaj fushate është që të nxiten njerëzit të dhurojnë flokë, të cilat më pas do të bëhen paruke për fëmijët që e dëshirojnë dicka të tillë.
“Një gjest shumë i guximshëm dhe për t’u patur zili. Të falenderojmë shumë Sara për dëshirën e madhe për të dhënë kontributin tënd,” shkruhet në faqen e Facebook të “Një fije floku për më shumë buzëqeshje”.
Nismës i janë bashkuar edhe vajza të tjera.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
