Vetullat janë korniza e fytyrës
Make up artist Daniela Maio na mëson se si t’i bëjmë vetullat të duken perfekte. Vetullat ashtu si dhe flokët janë gjysma e bukurisë, ato janë shprehëse, komunikojnë identitetin e një personi! Kjo është arsyeja pse është shumë e rëndësishme t’i korrigjoni në mënyrë optimale sipas formës së fytyrës tuaj.
5 rregulla për vetulla perfekte.
Analizojmë strukturën e tyre
Vetullat ndahen në tri pjesë:
- E para – pjesa në ngjitje “Fillimi” 1
- E dyta – pjesa e lartë H “pika më e lartë” 2
- E treta – pjesa zbritëse “Fundi” 3
Rregulli themelor për të pasur vetulla tërheqëse është që pika 2 (H lartësia) nuk duhet të jetë më e ulët se pika 1 dhe seksioni i pikës 3 nuk duhet të jetë më i gjatë se pjesa fillestare 1; duke spostuar pikën e lëvizjes 2 (H lartësia) mundet të korrigjojmë disa lloje të fytyrës: afrohet drejt ballit dhe fytyra zgjatet (fytyrë e shkurtër). Në fakt, nëse analizojmë mirë harkimin e tyre, vihet re që gjatësia e pjesës fillestare 1 është dyfishe në pjesën e fundit 3, i njëjti koncept zbatohet edhe nëse duam trashësi.
2.Si mund t’i korrigjojmë?
Duke përdorur lapsin në fytyrë nxjerrim linja imagjinare për të rregulluar tri pikat themelore:
Duke filluar nga 1. në anën e hundës, prekim qoshen e brendshme të syrit.
Pika më e lartë 2. Nga ana e hundës zhvendosemi në pjesën e jashtme të pupilës.
Fundi 3. Gjithmonë nga ana hundës zhvendosemi në pjesën e jashtme të syrit.
Heqim pjesën e tepërt me piskatore. Qimet duhen hequr nga baza në të njëjtin drejtim me rritjen, dhe nuk duhet harruar gjithmonë dezinfektimi në fund. Shmangni depilimin, sepse me kalimin e viteve, qepalla traumatizohet nga lotët.
Shënim: Tregoni kujdes kur hiqni vetullat gabimisht, me kalimin e kohës qimet dobësohen dhe nuk mundet të rriten përsëri!
3.Ridizenjojmë ose i rimbushim
Vetullat mund të ridizenjohen me lapsin e duhur të papërshkueshëm nga uji, duke zgjedhur një ngjyrë kafe të errët ose dy-tre hije më të lehta se ngjyra e flokëve. Që të ketë vetullat mahnitëse, filloni të dizenjoni nga pjesa qendrore dhe zbuteni anash sipas një harkimi. Pastaj plotësoni pjesët boshe me ngjyrën kompakte. Krihini me furçën e duhur nga poshtë lart.
4.Fiksojini
Rregulli i fundit për vetulla të bukura është fiksimi i tyre me rimel transparent.
5.Këshilla për kujdesin
Për forcimin dhe ushqyerjen e vetullave fshijini çdo mbrëmje me pambuk të lyer me vaj ricini.
Përgatiti Orjona Tresa / Burimi //Tiscali.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
