Vëzhgimi i detit është një kombinim i përsosur i qetësisë dhe lumturisë, ai arrin të ulë stresin e përditshëm në tru dhe të sjellë qetësi.
Pse vëzhgimi i detit fal qetësi
Mjedisi plot stimuj të vazhdueshëm është një burim stresi. Megjithatë në det, ndodh e kundërta. Është një hapësirë e madhe uji me pak elementë të dukshëm dhe lehtësisht të identifikueshëm, në këtë mënyrë truri reagon duke krijuar dhe imagjinuar. Mjedisi rrethues na lejon të krijojmë mendime të reja. Energjitë tona nuk shpërndahen për shkak të stimujve të shumtë që na rrethojë dhe që na detyrojnë të konsumojmë energji për të qenë të përqendruar.
Ekziston një pjesë e trurit, e cila ishte zona e fundit që u zhvillua. Ajo përmban veprimet më të pasura dhe më komplekse mendore dhe njohëse. Studimi i këtyre sistemeve të përbëra na ndihmon të kuptojmë të menduarit tonë jo-material, i cili na ndihmon të dallojmë se çfarë është e mirë dhe çfarë është e keqe.
Efekti i menjëhershëm i detit është që të sjellë paqen, qetësinë, uljen e stresit. Bluja e detit në të gjitha hijet e saj, lëvizja që e bën atë të gjallë, dhe horizonti i pafund, kanë një efekt qetësues në trurin dhe sistemin tonë nervor. Pafundësia e qiellit që përfundohet me horizontin e detit gjeneron një ndjenjë paqeje dhe qetësie. E gjithë kjo arrin të bllokojë çrregullimin e mendimeve tona, duke ndaluar kthimin e tyre në një mënyrë sulmuese. Rrethi i mbrapshtë i veprimeve tona dhe për këtë arsye i mendimeve tona zvogëlohet. Shqetësimi që na kanë dhënë këto mendime negative, zhduket, duke na dhënë paqe. Deti i thyen këto modele. Na çliron nga këto mendime negative dhe sterile. Nuk është jeta jonë e përditshme por një ndjenjë e re, e pasur, e gjallë.
Deti dhe truri, një ndërthurje e qetësisë dhe lumturisë.
Mendimi i detit na ndihmon të futemi në një gjendje të re mendore. Ka një efekt relativisht hipnotik. Madhështia e detit mbizotëron në shpirtin tonë dhe e përfshin atë në vetvete. Ne bëhemi fllad, valë dhe duke ndryshuar, shpirti ynë i shkatërruar gjen paqe. Kjo është arsyeja pse ne mund të kalojmë shumë orë duke soditur detin pa e kuptuar kohën që kalon. Vëzhgimi i detit na ripërtërin trupin dhe mendjen. Ngjyrat, aromat dhe qetësia e tij ndihmojnë për meditim më të thellë.
Burimi / https://www.pianetadonne.blog/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
