Xhenxhefili, një dhuratë hyjnore për flokët: i bën ata të rriten shpejt dhe shëndetshëm

5 receta të bëra vetë, për të përfituar nga vetitë e xhenxhefilit për bukurinë e flokëve

Ndër ushqimet super të vjetra dhe ato të reja, xhenxhefili ka fituar një vend në krye sidomos në formën e çajrave bimorë detoksikë, por kjo rrënjë që i përket familjes Zingiberaceae dhe me origjinë nga Azia Juglindore ofron shumë përfitime edhe për flokët tanë: ndër vlerat e tij ai shquhet për energjinë, antioksiduesin, balancimin e sebumit, si dhe stimulimin e qarkullimit (dhe tretjes). Vlerësohet shumë në kozmetikë, por mund të përdoret gjithashtu për recetat e bukurive të bëra vetë.

Maskë për të nxitur rritjen e flokëve

Xhenxhefili stimulon mikroqarkullimin e gjakut, një faktor kryesor për të përmirësuar mirëqenien e kapilarëve dhe për këtë arsye rritjen e flokëve.

Përbërësit:

rrënjë xhenxhefili të freskët
vaj bajame

Përgatitja:

Kombinoni 1 lugë gjelle xhenxhefil të grirë të freskët dhe 1 lugë gjelle vaj bajame; masazhoni kokën dhe lërini për 30 minuta, më pas shpëlajeni dhe lajini flokët me shampon tuaj të zakonshme.

Maska me xhenxhefil për flokët me yndyrë

Cilësia e xhenxhefilit për rregullimin e serumit është mjaft e mirë për flokët me yndyrë: provoni ta përdorni këtë maskë një herë në muaj.

Përbërësit:

rrënjë xhenxhefili të freskët
lëng limoni
vaj bajameje të ëmbël

Përgatitja:

Kombinoni 2 lugë rrënjë xhenxhefil të grirë me 3 lugë vaj bajame të ëmbël dhe 1 ose 2 lugë çaji lëng limoni të freskët; shpërndajeni përzierjen në lëkurën e kokës, duke e masazhuar butësisht; lëreni për 20 minuta, pastaj lajeni me shampon e zakonshme.

Locion xhenxhefili anti-zbokth

Xhenxhefili mund të ndihmojë në eliminimin e zbokthit për shkak të vetive natyrale antiseptike.

Përbërësit:

rrënjë xhenxhefili të freskët
lëng limoni
vaj ulliri
ujë

Përgatitja:

Hidhni 2 lugë rrënjë xhenxhefili të grirë në 2 gota ujë dhe ziejeni derisa vëllimi i lëngut të jetë përgjysmuar; hiqeni nga nxehtësia, shtoni një lugë çaji lëng limoni dhe një lugë gjelle vaj ulliri; lëreni përzierjen të ftohet, pastaj përdoreni atë duke fshirë butësisht kokën për rreth 5 minuta; më lajini flokët tuaj si zakonisht.

Xhenxhefil, për t’u dhënë flokëve shkëlqim

Përveç që ka shumë përfitime shëndetësore, xhenxhefili mund të japë reflekse të reja të arta në ngjyrën e flokëve të verdhë. Për ta bërë këtë ka dy receta të ndryshme.

Përbërësit:

xhenxhefil
kamomil

Përgatitja:

Përgatitni një çaj të xhenxhefilit dhe kamomilit; lëreni të ftohet, dhe përdoreni si shpëlarje të fundit pas larjes me shampo.

Përbërësit:

pluhur xhenxhefili

Përgatitja:

Lajini flokët me shampo si zakonisht; shtoni një lugë çaji xhenxhefil në balsam, aplikojeni në të gjitha gjatësitë dhe lëreni të qëndrojë për 20-30 minuta dhe më pas shpëlajini.

Burimi / https://www.elle.com

Artikuj të ngjashëm