Festat janë shumë pranë dhe tashmë mund të thithni një ajër që sjell me vete dëshirën për t’u çlodhur dhe të mos menduar për asgjë deri për vitin e ri. Megjithatë, kjo mënyrë të menduari vë në lëvizje qëndrime që shkaktojnë zakone, të cilat janë përfundimisht të dëmshme për mirëqenien e metabolizmit tonë, duke ju bërë që të shtoni peshë.
Nëse dëshironi të uleni në tryezë pa shumë mendime dhe doni një metabolizëm më të efektshëm se kurrë, këtu janë zakonet e gabuara që nuk duhet të ndiqen gjatë festave.
Zakonet e gabuara që ngadalësojnë metabolizmin gjatë festave
Nuk bëni asgjë gjatë gjithë ditës. Është e vërtetë, festat bëhen për tu shijuar dhe për t’i provuar plotësisht ato është shumë e rëndësishme të lini mënjanë të gjitha angazhimet për t’i kushtuar kohë vetes. Sidoqoftë, të bësh këtë nuk do të thotë të ulesh në shtrat dhe të qëndrosh atje gjithë ditën. Qëndrimi i tepërt ndikon negativisht në metabolizëm, duke e ngadalësuar atë dhe duke bërë që të shtojmë peshë.
Harroni aktivitetin fizik, i cili është thelbësor për të mbajtur aktiv metabolizmin dhe ju ndihmon në luftimin e dembelizmit që shpesh shoqëron pushimet.
Flini pak. Shumë herë, kur shkoni me pushime keni tendencë të jetoni në një mënyrë të tërbuar, të qëndroni zgjuar deri në orët e para të mëngjesit dhe pastaj të flini deri në mesditë. Natyrisht, të dilni për argëtim është më se e drejtë, veçanërisht kur jeni me pushime, por për tu ndier mirë, është e rëndësishme të mos e privoni veten nga orët e duhura të gjumit. Kur kjo ndodh, vihet në lëvizje kortizoli (i quajtur edhe hormoni i stresit) i cili përveç fitimit të peshës, gjeneron edhe një nervozizëm të përhapur që shpesh çon në uri nervore. Një rreth vicioz që është më mirë ta shmangni.
Hani shumë sheqer. Bollëku i ëmbëlsirave gjatë festave e bën më të vështirë tretjen e yndyrave dhe në mënyrë të pashmangshme kjo çon në një ngadalësim të metabolizmit. E njëjta gjë mund të thuhet edhe për karbohidratet e rafinuara, të cilat i shtyjnë njerëzit të hanë më shpesh sesa të peshojnë trupin, mënyrë kjo që e bën trupin të mos i kryejë siç duhet funksionet e tij.
Agjërimi. Kur flasim për metabolizmin, nëse të hash gjëra të gabuara dhemb, nga ana tjetër është gjithashtu e dëmshme të ndiqni të ashtuquajturat agjërime, përgjegjëse për kompromentimin e funksionimit të duhur të metabolizmit. Nëse dikush bashkohet me këtë dhe pas një periudhe agjërimi ha çfarë të ketë para, rezultati përfundimtar do të jetë të fitoni peshë dhe asnjëherë e kundërta. Më mirë është që të hani të gjitha vaktet dhe ta bëni atë në një mënyrë të shëndetshme dhe të ekuilibruar. Në këtë mënyrë do të jetë më e lehtë të mbani trupin në formë.
Qëndroni shumë ngrohtë. Po, një nga zakonet që keni gjatë pushimeve është të qëndroni ngrohtë dhe të kaloni ditën nën batanije. Një temperaturë e lartë e shtyn metabolizmin të ngadalësohet sepse ndër funksionet e tij kryesore është që të na mbajë ngrohtë. Kjo nuk është një ftesë për të vdekur nga i ftohti, por për të mos u mbuluar më shumë nga ç’duhet, sepse nxehtësia e tepërt nuk e mirë dhe bën që të lëvizësh më pak.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
