Duken të parëndësishme, por këto veprime të përditshme janë “të rrezikshme”, sepse ato mund të kontribuojnë në përhapjen e viruseve dhe baktereve. Ja se si.
Të dërgosh mesazhe nga tualeti
Kur “thërret natyra”, mikrobet (bakteret fekale) lëshohen në ajër dhe për këtë arsye mund të përfundojnë në sipërfaqe, duke përfshirë atë të telefonit celular që keni marrë në banjë për të mashtruar pritjen. Dhe edhe nëse i lani duart, bakteri mbetet i ngjitur në ekran.
Përdorimi i sapunit
Sapuni përdoret për të pastruar duart tuaja, për këtë nuk ka dyshim. Problemi, është se kur përdoret nga disa njerëz, sapuni bëhet mjeti ideal për përhapjen bakteriale. Këshillë: zgjidhni sapun të lëngshëm.
Ndarja e peshqirëve
Ndarja është një gjë e mrekullueshme, përveç se kur bëhet fjalë për mikrobet. Dhe duke përdorur një peshqir për të gjithë familjen është një mënyrë e sigurt për të përhapur baktere kudo. Këshillë: zëvendësoni dhe lani peshqirët të paktën një herë në javë (por edhe më shumë për fëmijët e vegjël) për të parandaluar akumulimin e mikrobeve në pëlhurë.
Larja e duarve shumë gjatë
Koha optimale e nevojshme për të larë duart në mënyrë të përsosur, duke përdorur ujë të ngrohtë dhe sapun, është në mes 20 dhe 30 sekonda.
Tharja e duarve me tharësin e ajrit
Pasi keni qenë në një banjo publike, është më mirë të shmangësh përdorimin e tharësit të ajrit. Sipas një studimi në revistën “Mikrobiologjia mjedisore” kjo praktikë nuk rekomandohet, pasi këto pajisje mund të shpërndajnë bakteret në dhomë dhe pastaj të përfundojnë në duar të lara. Këshillë: Kur jeni në një banjë publike, thani duart me letër (dhe përdoreni atë për të hapur derën kur dilni).
Përtypja e stilolapsave
Pavarësisht nëse e dini ose jo ku ka qenë lapsi, të përket ty apo të tjerëve, pak rëndësi ka: goja sigurisht që është vendi i fundit ku duhet të jetë, sepse ka shumë të ngjarë që duart që e prekin atë (duke përfshirë edhe tuajat) nuk janë aspak të pastra. Këshillë: përveç ndotjes bakteriale, përtypja e kapakut të stilolapsit është shumë e dëmshme edhe për shëndetin e dhëmbëve.
Hapni gjëra me dhëmbë
Ndonjëherë kur ju nuk mund të hapni një paketë, kjo mund të duket si një masë e mirë për të përdorur dhëmbët tuaj për ta bërë atë. Në të vërtetë, ky gjest jo vetëm që i dëmton dhëmbët, por mund të përhapë mikrobet dhe jo vetëm ato që ju transferoni nga goja juaj në paketim, por edhe ato që tashmë janë të pranishme në paketim. Këshillë: nëse keni nevojë të hapni një paketë, përdorni vetëm duart ose gërshërët.
Fryrja e qirinjve
Kur fryni qirinjtë në tortën tuaj të ditëlindjes, bakteret brenda gojës tuaj dalin me frymën dhe në mënyrë të pashmangshme vendosen në sipërfaqen e tortës. Edhe pse ka shumë pak shanse për t’u sëmurur, një studim ka treguar se ky gjest rrit sasinë e baktereve në tortë. Këshillë: nëse dëshira që shpreh nuk është për të përhapur mikrobet në tortën tuaj të ditëlindjes, duhet ta rishikoni më mirë këtë traditë.
Ngrënia në tavolinën e punës
Nëse nuk e pastroni rregullisht atë, tastiera e kompjuterit tuaj është ndoshta një nga vendet me përqendrimet më të larta bakteriale, kështu që nëse hani në të, ju rrezikoni të gëlltitni ato mikrobe. Këshillë: nëse keni nevojë për një arsye të mirë për të dalë dhe për të ecur gjatë pushimit të drekës, është edhe të ushqyerit.
Burimi / http://gazeta-shqip.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
