Kur diçka nuk shkon, trupi ynë gjithmonë na jep shenja të cilat duhet t’i njohim. Nëse dëgjojmë me kujdes, ato mund të na shpëtojnë jetën. Ekipi ‘Go Fit Stay Fit’, do t’ju japë një listë të shenjave që organizmi juaj po ju dërgon.
- Dhimbjet e këmbëve
Një ngërç muskulor është një tkurrje e fortë, e dhimbshme, e cila vjen papritur dhe zgjat për disa sekonda deri në disa minuta. Zakonisht ndodh në muskujt e këmbës. Dhimbjet e këmbëve në shumë raste shkaktohen nga një mungesë mineralesh (magnez, kalcium, kalium). Për t’i parandaluar ato, duhet të konsumohen më shumë ushqime të pasura me ato minerale.
- Dëshirat për ushqim
Të gjithë kemi dëshira për ushqim. Kjo ndodh sepse trupit tonë i mungojnë lëndët specifike ushqyese. Për t’i ndaluar ato duhet të ndalojmë së konsumuari ushqime të përpunuara dhe të fillojmë të hamë më shumë fruta dhe perime të freskëta. Kur trupi ynë do të marrë lëndët ushqyese që i duhen, dëshirat do të zhduken.
- Lëkura e thatë
Lëkura e thatë shpesh shkaktohet nga faktorë të mjedisit, të tilla si moti i ftohtë, lagështia e ulët dhe larja me ujë të nxehtë. Për ta trajtuar atë duhet të përdorni krem hidratues dhe të shmangni sapunët e thatë. Ju gjithashtu duhet të ndryshoni dietën tuaj dhe të hani më shumë arra, fara dhe peshk. Pirja e shumë uji na ndihmon gjithashtu të mbajmë trupin tonë të hidratuar dhe parandalon tharjen e lëkurës.
- Dhimbje koke
Të gjithë kanë provuar një dhimbje koke. Mund të shkaktohet nga shumë faktorë të tillë si mungesa e gjumit, stresi, ftohja, infeksioni, pesha ose ndonjë çrregullim tjetër shëndetësor. Mundohuni të gjeni kohë për të pushuar dhe qetësuar trupin tuaj. Gjithashtu, konsumoni ushqim të pasur me magnez. Nëse dhimbja nuk kalon, duhet të konsultoheni me mjekun tuaj.
- Thonj të brishtë
Thonjtë e brishtë janë thonjtë të cilët ndahen dhe thyhen lehtë. Ata mund të jenë të thatë dhe të brishtë ose të butë dhe të brishtë. Kjo gjendje mund të shkaktohet nga shumë faktorë të tillë si larja e shpeshtë e duarve, trajtimi i shpeshtë i duarve dhe thonjve dhe mungesa e vitaminës. Për ta parandaluar atë duhet të mbani doreza dore, të përdorni krem dhe të hani ushqime të pasur me vitamina dhe minerale.
- Frymëmarrja e keqe
Fryma e keqe njihet gjithashtu si halitosis. Mund të rezultojë nga higjiena e dobët orale ose të jetë shenjë e ndonjë problemi shëndetësor si infeksionet. Është gjendje parehatie. Zgjidhja më e mirë për këtë problem është higjiena e mirë e dhëmbëve dhe konsumimi i më shumë ushqimeve të freskëta në vend të ushqimeve të përpunuara.
- Fryrja
Shumë prej nesh vuajnë nga një stomak i fryrë. Mund të shkaktohet nga marrja e pamjaftueshme e ujit, kapsllëku dhe dieta e keqe. Për ta parandaluar atë duhet të konsumoni më shumë ushqim të papërpunuar, të hidratoni trupin tuaj dhe të bëni ushtrime të rregullta. Nëse shkaku është një infeksion bakterial atëherë duhet të konsultoheni me mjekun tuaj.
- Lodhja
Ne e përshkruajmë lodhjen si ndjenjë letargjike dhe të rraskapitur. Ka shumë shkaqe lodhjeje. Për shembull anemia, problemet me tiroiden, sëmundjet e zemrës, çrregullimet e gjumit dhe diabeti. Për trajtimin e tij, ne duhet të pushojmë mjaftueshëm, të konsumojmë ushqim i cili siguron energji dhe të kryejmë aktivitete fizike të përditshme.
- Çrregullimi i zorrëve
Nëse vuajmë shpesh nga një lëvizje e parregullt e zorrëve, duhet të ndryshojmë diçka në stilin e jetës dhe dietën tonë. Pirja e shumë uji, shmangia e ushqimeve me yndyrë, konsumimi i më shumë frutave dhe perimeve do ta zgjidhë këtë problem. Nëse shkaku është ndonjë problem i tretjes, atëherë duhet të konsultoheni me mjekun.
- Këmba greke
Rreth 20 deri në 30% e njerëzve kanë lindur me këtë këmbë. Nëse jeni një prej tyre, duhet të pyesni se çfarë do të thotë. Këmba greke i referohet një gishti të dytë që duket më i gjatë se gishti i madh sepse kocka e parë metatarsale është e shkurtër në krahasim me të dytën. Në disa raste, ajo shkakton dhimbje dhe ënjtje, kështu që nëse doni të lehtësoni simptomat, mund të përdorni një jastëk fleksibël nën gishtin e madh.
Burimi / http://beautyty.xyz/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
