Thuhet se talenti, përvoja dhe IQ janë thelbësore për të përmirësuar pozicionin social dhe të punës të dikujt, por nëse dëshironi të keni sukses të vërtetë në çdo fushë, nevojiten shumë më tepër.
Në librin e tij për inteligjencën emocionale, Dr. Daniel Goleman e shpjegoi këtë “shumë më tepër”, e cila në të vërtetë ka të bëjë me vetëdijen, të dish të menaxhosh emocionet e dikujt, të empatizosh me të tjerët, të kesh aftësinë të lidhesh me realitete të ndryshme nga ato të dikujt. E vërteta është që, pa marrë parasysh sa studiuese jeni, shkolla nuk është asnjëherë pikë referimi kur bëhet fjalë për mësimin e inteligjencës emocionale.
Këtu janë tre mënyra për ta njohur atë më mirë dhe për të rritur forcën dhe kapacitetin e saj:
- Mos kini shumë vetëbesim, por dyshoni tek vetja
Sa më shumë konfirmim që marrim nga të tjerët se sa mirë komunikojmë, se sa mirë bëhet puna jonë, për mënyrën se si ne jemi në gjendje të menaxhojmë marrëdhëniet, aq më e lehtë është që të përcaktojmë inteligjencën tonë emocionale. Kërkojuni miqve, familjes dhe bashkëpuntorëve që t’ju japin mendime të ndershme.
Pyetje të tilla si “Cilat janë pikat e forta dhe të dobëta? “Sa mund të transmetoj nga vetja? Si me perceptoni mua? A jeni i lumtur që kaloni kohë me mua ose do të dëshironit që unë të isha më pak bisedues?”
Të gjithë kemi anë të karakterit dhe emocionale që duhen përmirësuar, por pak njerëz janë të gatshëm ta bëjnë atë. Bëjeni atë, për të rritur inteligjencën tuaj
- Kini zakonin të shkruani një ditar çdo ditë
Është thelbësore të rritet inteligjenca emocionale për ta njohur veten në thellësi. Por kujdes, të gjithë ne mendojmë se dimë çdo detaj dhe nuancë të vogël që na shqetëson, por të mendosh për të është një gabim. Në fund të ditës, shkruani në një ditar emocionet që keni përjetuar, pozitive dhe negative, përvojat që keni pasur, gabimet e mundshme. Do të mahniteni me atë që do të mësoni për veten tuaj, emocionet, shqetësimet, si i jeni përgjigjur fatkeqësisë, fatit dhe kështu me radhë. Duke shkruar çdo ditë, do të zbuloni aspekte për të cilat nuk keni qenë të vetëdijshëm më parë dhe kjo do të rrisë inteligjencën tuaj emocionale.
- Sfidoni veten
Sa inteligjentë mund të jemi, nëse qëndrojmë në zonat tona të rehatisë? Sigurisht që është më e lehtë të bashkëveprosh me miqtë më të afërt, sesa të bisedosh me njerëz shumë të ndryshëm nga ne dhe me ide krejt të kundërta. Kjo është e kuptueshme. Por nëse duam të rritemi, duhet të lidhemi edhe me ata që mendojnë ndryshe nga ne, njerëz që thonë gjëra që nuk janë të lehta për tu kuptuar ose me të cilët është e vështirë të bashkëpunosh. Të gjithë mund të përfitojmë duke sfiduar veten, duke u përballur me realitete të ndryshme. E gjithë kjo kontribuon për të rritur inteligjencën tonë emocionale.
Burimi / https://www.giornodopogiorno.org/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
