Të gjithë e dimë se kimia është elementi kyç për çdo marrëdhënie dashurie. Por a e dinit se ka tre lloje kimie që janë shenjat dalluese të dashurisë së vërtetë? Shikoni se në çfarë lloj kimie jeni të përfshirë!
Kimia fizike | Kjo është kimia më e thjeshtë që mund të ekzistojë midis dy njerëzve që janë të tërhequr fizikisht nga njëri-tjetri. Ky është një element i nevojshëm që dashuria të zhvillohet, por nuk mjafton. Kimia fizike zgjon tek ti shkëndijat fillestare të dashurisë, asgjë më shumë. Prandaj, shpesh të shkakton një ndjenjë pakënaqësie, sepse mendon se ka diçka që ia vlen vërtet ta duash dhe për momentin nuk mund të arrish dot.
Kimia mendore | Kjo kimi ekziston midis dy individëve që mund të flasin për orë të gjata. Biseda e tyre rrjedh natyrshëm dhe ata vetë nxitin dhe plotësojnë njëri-tjetrin mendërisht. Kimia e thellë intelektuale ndodh kur mendja e dikujt tjetër bëhet shtëpia jote e re. Ndër të tjera, një pjesë e mirë e komunikimit zakonisht është joverbale dhe shpesh tepër dinake për të përcaktuar natyrën e tij të vërtetë. Kur gjen dikë me të cilin ke kimi intelektuale, biseda rrjedh natyrshëm dhe heshtja është gjithashtu e rehatshme.
Kimia shpirtërore | Kimia shpirtërore është sinonim i përputhjes së karaktereve të dy individëve. Ajo kapërcen qëndrimet dhe besimet e paramenduara dhe është transcendentale në natyrë. Kjo ndodh kur të dy partnerët vlerësojnë të njëjtat gjëra si mirëdashja, besnikëria, miqësia dhe bujaria. Ndër të tjera, këtu nuk ka vend për pasiguri, sepse të dy individët janë të sigurt për ndjenjat e tyre dhe të dy e vlerësojnë marrëdhënien njësoj.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
