Marrëdhëniet me drejtuesin nuk shkojnë gjithnjë fjollë. Jeff Black, ekspert karriere, thotë se nëse ju keni dështuar në një projekt ose keni bërë një gabim së fundmi, ekzistojnë disa mënyra për të rikthyer besimin e drejtuesit tuaj. Black këshillon tre strategji për të rifituar besimin e eprorit tuaj.
Reflektoni
Së pari ju duhet të kuptoni se keni gabuar dhe natyrisht duhet të kërkoni falje për këtë gjë.
Këshillohet që të qëndroni në heshtje për dy – tre javë. Kjo nuk do të thotë të injoroni drejtuesin tuaj kur ju flet.
“Ju nuk mund t’i shikoni gjërat me qetësi dhe kthjelltësi pas një jave që bëtë gabimin, – thotë Black. Në vend që të veproni sikur nuk ka ndodhur asgjë, drejtuesi juaj ka nevojë të shohë se jeni të penduar dhe të turpëruar për gabimin tuaj”.
Ju duhet të jeni mjaft të kujdesshëm rreth asaj që ndodhi. Ju duhet të përpiqeni që të zvogëloni mundësinë që t’i kujtoni drejtuesit dhe kolegëve tuaj gjithçka që ndodhi. Duhet të veproni gjithnjë në këtë mënyrë.
Flisni me bashkëpunëtorët tuaj
Pasi keni bërë një gabim në punë, Black ju këshillon që të flisni me njerëzit të cilëve u besoni në punë sa më shpejt të jetë e mundur.
“Flisni me ta, ju nuk do të donit të dëgjonit të flitej në korridor nga dikush tjetër një javë më pas”, thotë Black.
Është e rëndësishme që ata t’i dëgjojnë gjërat ashtu siç janë nga ju dhe jo nga thashetheme që tani kanë marrë dhenë e kanë dalë jashtë kontrollit.
Miqtë tuaj në punë mund t’ju ndihmojnë që ju të riktheni imazhin tuaj personal -shton eksperti i karrierës.
Punoni për të shënuar fitore të vogla
Black këshillon që ju duhet të merrni përsipër një seri projektesh si një mënyrë për të shënuar disa fitore të vogla me drejtuesin tuaj.
“Pasi keni dështuar në një projekt, është e rrezikshme të merrni përsipër një projekt tjetër të madh” – thotë Black. Por kjo mund t’ju ndihmojë nëse ju bëni kujdes që të veproni siç duhet.
Duke arritur suksese të vogla me kalimin e kohës, ju rrisni mundësinë për të rifituar besimin e drejtuesit tuaj dhe të kolegëve – thotë në fund eksperti Black.
*Zameena Mejia
Burimi: CNBS/Monitor
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
