Në disa raste mund të mendojmë se jeta është e padrejtë ndaj nesh dhe përpjekjet që bëjmë për të ndryshuar këtë situatë nuk duket se japin rezultate pozitive.
Sot duam të ndajmë me ju një moment reflektimi, t’ju ftojmë të merrni frymë, të shikoni brenda vetes dhe të zbuloni 3 të vërteta budiste që do t’ju bëjnë të ndiheni më mirë. Nëse i përvetësoni këto koncepte brenda vetes, mund të jeni në gjendje të ndryshoni situatën e vështirë në të cilën ndodheni ose çdo gjë tjetër që dëshironi.
Dukkha: pakënaqësi, zhgënjim, vuajtje
Dogma budiste “jeta është vuajtje” interpretohet nga shumë njerëz si një doktrinë me karakteristika negative ose pesimiste. Por nëse merret parasysh konteksti, kjo frazë ka një kuptim tjetër, domethënë se “jeta nuk është gjithmonë e ëmbël dhe e këndshme, por kujt i intereson”.
Budistët konfirmojnë dhe e dinë se origjina e shumë situatave të vështira dhe vuajtëse me të cilat shumë prej nesh gjenden përballë varet nga fakti që ne nuk përpiqemi të thellohemi në dimensionin shpirtëror të gjërave ose të përballemi ballë për ballë me pjesën emocionale të jetës sonë.
Në botën perëndimore ne përjetojmë vazhdimisht ndjenja humbjeje, trishtimi, lodhjeje, mërzie dhe ankthi. Për të kapërcyer këtë gjendje, ata na mësojnë të marrim substanca të ndaluara dhe të ndjekim zakone jo të shëndetshme në vend që të gjejmë zgjidhjen thellë brenda vetë problemit. Ne preferojmë të maskojmë dhimbjen kur në realitet vetëm e shtojmë atë dhe e çojmë pakënaqësinë në nivelet më të larta.
Si ta përdorim këtë filozofi në jetën e përditshme?
Shmangni të menduarit se keni nevojë për më shumë për të jetuar një jetë të plotë dhe të kënaqshme. Sëmundja, vuajtja dhe vdekja janë pjesë e jetës. Ne duhet të mësojmë t’i pranojmë ato dhe të qëndrojmë në të tashmen, këtu dhe tani.
Ne nuk duhet të dëshirojmë të arrijmë jetën perfekte. Vështirësitë janë kapërcyer dhe të mos harrojmë se na lënë gjithmonë një mësim të madh jete.
Kur pranojmë papërsosmërinë e jetës, zhgënjimet do të pakësohen. Në këtë mënyrë, do të jemi në gjendje të çlirojmë intuitën tonë dhe të braktisim stresin e përditshëm ose përvojat e këqija.
Anitya: Jeta është në lëvizje të vazhdueshme
Antiya do të thotë që jeta është në lëvizje të vazhdueshme. Prandaj, sipas Budizmit, nuk është e mundur të ktheheni në një ditë që tashmë ka kaluar. Ne nuk arrijmë dot as të ardhmen, është thjesht një iluzion.
Çdo mëngjes, kur zgjohemi, mund të shohim se kemi ndryshuar pak në krahasim me një ditë më parë. Biologjikisht ne rritemi dhe ndryshojmë ditë pas dite, e njëjta gjë vlen edhe për mendimet dhe vetëdijen tonë. Nëse jemi të vetëdijshëm për faktin se asgjë në botë nuk zgjat përgjithmonë, atëherë do të jemi në gjendje të zbulojmë se edhe e keqja përfundon herët a vonë.
Por çfarë ndodh kur jemi të lumtur? Ne nuk duam që kjo ndjenjë të marrë fund. Thjesht mendimi na tremb… Ju ftojmë ta mendoni në këtë mënyrë: nëse lumturia përfundon së shpejti, atëherë ia vlen ta jetosh atë në maksimum.
Nëse jeni në gjendje të kuptoni kalueshmërinë e jetës dhe anën pozitive të saj, atëherë do të jeni në gjendje të çliroheni.
Shijoni dhe festoni ndryshimet! Mos kini frikë se ajo që jeni mësuar një ditë mund të zhduket!
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
