Keni një ndjenjë të fortë se diçka e pazakontë është në marrëdhënien tuaj? Të gjitha marrëdhëniet kanë ulje dhe ngritje, por si ta dalloni nëse partneri juaj po tradhton? Këtu janë shenjat treguese që i dashuri juaj mund të jetë duke ju tradhtuar.
4 shenja që tregojnë se i dashuri juaj mund të tradhtojë
Ai nuk është aty ku thotë se do të jetë
E di që kjo mund të mos jetë aq befasuese, por bën pjesë në çdo listë të shenjave që i dashuri juaj mund të tradhtojë.
Dëshira e tij seksuale ka ndryshuar
Shumë burra që kanë një lidhje kanë një dëshirë seksuale të reduktuar. Pse? Sepse ata po plotësojnë nevojat e tyre seksuale diku tjetër. Jo vetëm që nevojat e tyre plotësohen diku tjetër, por pas seksit me dikë tjetër, atyre u mbetet pak për t’i dhënë partnerit.
Ai është i paduruar me ju
Njerëzit që kanë një lidhje ndihen në faj. Ata e dinë se ajo që po bëjnë është e gabuar, në shumë nivele. Dhe si mund të shfaqet ai faj? Si zemërim ndaj partnerit të tyre.
Ai pyet nëse po mashtroni
Shumë meshkuj që kanë një lidhje e akuzojnë edhe partneren e tyre se ka një të tillë. Pse? Dy gjera. E para është se mashtruesi beson se, nëse mund të mashtrojë, çdokush mund të mashtrojë. Dhe pse nuk do ta tradhtonte partneri i tij? Në njëfarë niveli, ai mund të besojë se partneri i tij po e tradhton vërtet dhe mendon se akuzat e tij janë të justifikuara. E dyta është ai faji që përmenda më lart.
Ai nuk mund t’u përgjigjet pyetjeve të thjeshta
Klientja ime më tha se i dashuri i saj kishte ndryshuar. Se, për pjesën më të madhe të marrëdhënies së tyre, ata kishin qenë në gjendje të flisnin për çdo gjë dhe gjithçka, qofshin ato punët e shtëpisë, emocionet apo jeta e tyre shoqërore. Tani, nga askund, ai nuk mund dhe nuk do të flasë për asgjë.
Përgatiti K.I / Burimi themindsjournal.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
