Si mund të fillojmë të ndriçojmë pikëpamjen tonë për botën dhe t’i japim më shumë pozitivitet modeleve tona të mendimit? Këto gjashtë hapa mund të ndikojnë thellësisht në qasjen tuaj ndaj jetës dhe në fund të fundit të krijojnë një rezultat më pozitiv.
Praktikoni mirënjohjen
Një nga mënyrat më të shpejta për të zhvendosur fokusin tuaj nga negativiteti, gjykimi dhe zhgënjimi është të rendisni gjërat në jetën tuaj për të cilat jeni mirënjohës.
Dy hapa përpara
Fillimisht, mund të jetë e vështirë të dilni nga rrjedha negative e mendimeve. Ky ndryshim kërkon kohë. Jini të durueshëm me veten, dhe së pari përpiquni të respektoni modelet tuaja të mendimit. Shihni nëse mund të kapni veten duke gjykuar të tjerët, duke u fokusuar në dështime, duke u ankuar për punën, ose duke kritikuar veten ose trupin tuaj. Kur vëreni këto mendime, merrni një moment për të kundërshtuar çdo mendim negativ me dy këndvështrime pozitive.
Qëndrimi pozitiv
Mendja dhe trupi kanë një lidhje të brendshme – secili ka një ndikim të thellë në tjetrin. Nëse jeni duke luftuar për të lëvizur mendjen tuaj në një perspektivë më pozitive, provoni ta lëvizni trupin tuaj atje së pari. Përpiquni të qëndroni drejtë, të mbani shpatullat drejtë, mjekrën lart, shtrini krahët tuaj aq sa mundeni. Ndjehuni të fuqishëm. Ndjehuni pozitiv. Një “sjellje pozitive” do të inkurajojë mendjen tuaj të ndjehet edhe më pozitive.
Buzëqesh
Akti i thjeshtë i buzëqeshjes, edhe nëse nuk keni diçka për të buzëqeshur, mund të ndryshojë menjëherë mënyrën si ndiheni. Buzëqeshni vazhdimisht dhe do të habiteni se si reagon mendja juaj.
Rrethoni veten me njerëz pozitivë
Nëse vendosni një gaforre në një kovë, ajo lehtë do të ngjitet. Por nëse vendosni një gaforre të dytë në kovë, asnjëra prej tyre nuk do të shpëtojë. Kur njëra kërkon të shpëtojë, tjetra do ta tërheqë atë poshtë në kovë. Me fjalë të tjera, rrethoni veten me njerëz pozitivë. Është e vështirë të mbani një perspektivë pozitive nëse tërhiqeni vazhdimisht nga negativiteti i miqve, familjes ose bashkëpunëtorëve. Nëse jeni të bllokuar në një bisedë negative, përpiquni me mirësjellje ta ndryshoni subjektin në diçka më pozitive.
Bëj diçka të mirë
Përpiquni të bëni një gjë të mirë për dikë tjetër çdo ditë. Thirrni një anëtar të familjes ose një mik që ka nevojë për një fjalë të mirë, komplimentoni një të huaj, ndihmo një bashkëpunëtor të përfundojë një detyrë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
