Secili prej nesh ka një qëllim në jetë, njohja dhe ndjekja e tij është çelësi për të jetuar një jetë të lumtur dhe të kënaqshme. Për një arsye ose për një tjetër, shpesh ndodh që të gjesh veten duke u larguar nga qëllimet e veta. Mund të ndodhë që në mënyrë të pavetëdijshme të distancohesh prej tyre ose t’i ndjekësh duke marrë drejtimin e gabuar.
Gjetja e vetes në situata të çuditshme dhe të pakëndshme mund të jetë një shenjë për të kuptuar se po shkoni në drejtimin e gabuar. Ndër sinjalet e ndryshme që universi ju dërgon, janë 6 që tregojnë se është koha për të marrë përsëri jetën tuaj duke e zvarritur aty ku dëshironi.
- Humbja e interesit
Ndjekja e një qëllimi duhet të jetë interesante dhe e rëndësishme. Nëse e kupton se puna jote ka humbur kuptimin dhe rëndësinë, mund të jetë një sinjal që universi të dërgon për të treguar se je larguar nga qëllimi i vërtetë i jetës sate. Është e rëndësishme që të pyesni veten se çfarë mund të ndryshoni dhe si mund të ndërmerrni veprime për ta bërë punën tuaj më të kënaqshme.
- Etja për ndryshim
Etja për ndryshim është një shenjë tjetër. Të gjithë duam të kemi përvoja të reja, ajo është pjesë e natyrës së qenies njerëzore. Por kur jeton qëllimin tënd, nuk do diçka ndryshe. Ti e do atë që bën aq shumë sa nuk do asgjë tjetër. Pra, nëse shpesh e gjeni veten duke fantazuar për të bërë diçka ndryshe, mund të jetë sinjali që universi po ju dërgon se keni nevojë për një ndryshim në jetën tuaj.
- Stresi
Stresi është mënyra se si reagojmë kur ka diçka që nuk shkon në jetën tonë. Ndonjëherë, burimi i stresit mund të jetë i dukshëm si një marrëdhënie e tensionuar, probleme financiare, probleme në punë. Herë të tjera është e vështirë për t’u pikasur. Në pamje të parë çdo gjë mund të duket mirë, por në realitet ju nuk mund të relaksoheni plotësisht, ju nuk mund të jeni të lumtur. Nëse gjendeni në këtë situatë, është një tregues i fortë se jeta nuk po ju jep gëzimin dhe përmbushjen që kërkoni.
- Parehati dhe irritim
Të acaron dhe të mërzit çfarëdo që të ndodhë. Këto nuk janë ato situata që shumica e njerëzve i konsiderojnë të bezdisshme si trafiku apo pritja. Po flasim për gjërat e vogla që dikur nuk ju shqetësonin dhe që në vend të kësaj sot ju bezdisin.
- Dhimbje kronike e pashpjegueshme
Dhimbja është një simptomë se diçka në trupin tonë nuk po shkon siç duhet, por mund të jetë gjithashtu një sinjal se diçka nuk po shkon siç duhet në jetën tonë. Një dhimbje e përsëritur që ju dhe mjekët nuk mund ta shpjegoni mund të jetë një shenjë se nuk jeni në rrugën e duhur. Kur në një nivel të nënndërgjegjshëm dhe të thellë ju e dini se ju nuk jeni duke jetuar jetën në përputhje me atë që ka vërtet rëndësi për ju, malarja mund të ndihet në formën e dhimbjes fizike.
- Trishtimi
Gëzimi të thotë se je në rrugën e duhur. Nëse e ndiqni, ajo do t’ju udhëheqë në drejtimin që dëshironi. Meqë asgjë nuk mund t’ju sjellë më shumë lumturi dhe përmbushje sesa të jetoni plotësisht qëllimin tuaj të vërtetë, nëse nuk ndiheni të lumtur, nëse nuk ndjeni gëzim në jetën e përditshme, është e qartë se nuk jeni në rrugën e duhur.
Nëse po përjetoni një nga situatat e përshkruara, përpiquni të shikoni brenda dhe përpiquni të kuptoni se si të ndryshoni drejtim. Gëzimi do të jetë busulla juaj, përdoreni për të gjetur rrugën drejt jetës që ëndërroni.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
