Trupi ynë është një sistem shumë kompleks. Kjo është arsyeja pse kur diçka nuk shkon siç duhet, ai dërgon mesazhe si një shenjë paralajmëruese. Secili duhet të jetë në gjendje t’i njohë këto shenja.
“Bright Side” tregon problemet shëndetësore që mund të identifikoni nëpërmjet disa sinjaleve të caktuara.
- Numër i ulët i poreve të flokëve
Ju duhet të hidhni në një gotë të mbushur me ujë fije floku të thata. Nëse ato bien në fund të gotës, numri i poreve është shumë i lartë. Kjo do të thotë që flokët tuaj thithin çdo produkt që përdorni shumë shpejt dhe thahen në çast. Për të trajtuar numrin e lartë të poreve, duhet të gjeni produktet më të mira të mundshme. Ju duhet të kërkoni produkte që kanë përbërës “më të rëndë”, të tillë si vajrat dhe gjalpi. Ju gjithashtu mund të shtoni një trajtim për flokët një herë në javë.
- Vijat horizontale në qafën tuaj
Gratë pas menopauzës prodhojnë më pak estrogjen sesa trupi i tyre ka nevojë për të ruajtur qëndrueshmërinë e kockave. Dhe rrudhat e qafës janë një shenjë shqetësuese se kockat po bëhen më të brishta dhe më pak të dendura. Kjo do të thotë se rreziku i thyerjes së kockave është shumë më i lartë. Suplementet e kalciumit dhe vitaminës D mund të jenë një ide shumë e mirë për të shmangur osteoporozën. Këto rrudha gjithashtu mund t’ju thonë se duhet të kontrolloni tiroidet. Nëse gjendja vazhdon të përkeqësohet dhe lihet e patrajtuar, ajo mund të fillojë të shfaqet në qafën tuaj dhe në zona të tjera.
- Ulçera në gojë dhe në gjuhë
Arsyet e shfaqjes së ulçerës janë pirja e duhanit, alergjia, kafshimi i gjuhës në mënyrë aksidentale dhe inflamacioni. Megjithatë, nëse nuk keni asnjë nga këto, mund të keni mungesë të vitaminës B12, hekurit ose folatit. Këto mangësi nuk zhvillohen brenda natës, por zhvillohen në mënyrë progresive për një periudhë të gjatë kohore.
Disa shenja të tjera paralajmëruese mund të jenë lodhja, marramendja, rrahjet e parregullta të zemrës dhe dobësia e muskujve. Nëse i përjetoni të gjitha këto, do t’ju duhet të bëni disa ndryshime drastike në dietën tuaj dhe të filloni të merrni suplementet e nevojshme.
- Thonj të ndarë në disa shtresa, kutikula të dëmtuara dhe njolla të bardha tek thonjtë
Arsyet për të gjitha këto janë mungesa e hekurit dhe dehidratimi. Nëse mungesa e hekurit nuk trajtohet në kohë, mund të shkaktojë anemi, e cila gjithashtu mund të shkaktojë probleme të shumta shëndetësore, si dhimbje gjoksi. Arsyet e tjera mund të jenë tiroidja joaktive, sëmundja e mushkërive apo edhe sëmundja e veshkave. Mënyra më e mirë për të trajtuar thonjtë në shtëpi është duke ngrënë një dietë të pasur me hekur dhe duke i mbajtur thonjtë të hidratuar.
Nëse filloni të vini re njolla të bardha në thonjtë tuaj, ka 4 arsye të mundshme: alergji, infeksion mykotik, një dëmtim ose mungesë mineralesh. Zinku dhe kalciumi janë fajtorët më të zakonshëm për këtë mungesë, dhe një analizë gjaku duhet të jetë gjëja e parë që duhet të bëni.
- Thembrat e plasaritura
Thembrat e çara mund të shkaktohen nga lëkura e thatë, moti i ftohtë ose nëse qëndroni në këmbë për shumë orë çdo ditë. Megjithatë, ato mund të jenë tregues të sëmundjeve më serioze, si ekzema, hipotiroidizmi dhe diabeti. Ju mund t’i trajtoni thembrat duke i zhytur në ujë me sapun për 20 minuta dhe duke i fërkuar. Pastaj do t’ju duhet të aplikoni një hidratues që përfshin acid laktik, vaj jojoba ose gjalpë shea.
Duhet të shkoni te mjeku nëse ky trajtim nuk ju jep efekt.
- Skuqje rreth hundës, faqeve dhe ballit
Rosacea është shkaku numër 1 i skuqjes rreth këtyre zonave dhe prek rreth 14 milionë njerëz vetëm në SHBA. Njerëzit mbi 30 vjeç kanë më shumë gjasa ta zhvillojnë atë pasi rosacea rrallëherë prek fëmijët. Disa nga shenjat më të zakonshme janë skuqja, gungat, puçrrat dhe enët e dukshme të gjakut. Shenja të tjera më pak të zakonshme përfshijnë acarimin e syve, trashjen e lëkurës dhe ënjtjen.
Rosacea zakonisht trajtohet me ilaçe nga goja që mjeku mund t’ju japë. Në raste më serioze, mjekët mund të përdorin trajtime me lazer për të hequr çdo enë gjaku të dukshme.
- Sytë e fryrë
Nëse nuk keni një infeksion dhe nuk jeni alergjik ndaj asgjëje dhe keni ende një sy të ënjtur, atëherë shkaku është i dukshëm. Konsumimi i tepërt i kripës çon në bllokimin e ujit në trupin dhe fytyrën tuaj, duke përfshirë zonën poshtë syve. Ju do të duhet të reduktoni kripën që konsumoni dhe ndoshta të rrisni sasinë e kaliumit.
Pasi të dini burimin e problemit, do t’ju duhet të filloni ta trajtoni atë. Kompresat e ftohta, qeskat e çajit dhe masazhet e fytyrës janë disa nga gjërat më të lehta që mund t’i bëni vetë. Nëse ënjtja nuk largohet pavarësisht çfarë bëni, do t’ju duhet të shkoni te një mjek.
Burimi / PanoramaOnline
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
