Kërkesat për mbështetje psikologjike dhe intervistat me konsulentë psikoterapistësh janë rritur me 75%, problemet më të shpeshta kanë të bëjnë me menaxhimin e ankthit, veçanërisht nga ekzaminimi, vështirësitë e ambientimit, ndjenja e izolimit, përveç problemeve të motivimit.
Këtu janë disa nga të dhënat në lidhje me situatën në Universitetin Shtetëror Italian që çoi në realizimin e Konferencës “Dalja nga vështirësitë: Universiteti dhe institucionet vendore në mbështetje të shëndetit dhe mirëqenies psikologjike të popullatës studentore”, të planifikuar në Universitet e Milanos, hapi i parë i realizimit të tryezës së punës së Universitetit Milanez me Bashkinë e Milanos, Rajonin e Lombardisë, Zyrën Rajonale të Shkollës dhe institucionet vendore të dedikuara për problemet rinore.
Profesoresha Marina Brambilla, Zëvendës Rektore Delegate për Shërbimet Arsimore dhe Studentët komentoi: “Shpreh kënaqësinë e madhe për disponueshmërinë dhe interesin që kanë treguar institucionet vendore për organizimin e një takimi për këtë temë. Në këtë mënyrë bëhet një përpjekje për të krijuar dhe përhapur një kulturë të re, për të njohur dhe ndjekur më mirë nevojat psikologjike të studentëve, të cilët kanë marrë një qendër të re pas pandemisë”.
Shqetësimi psiko-emocional, i raportuar nga pothuajse të gjithë studentët, ka të bëjë me një ndjenjë vetmie dhe humbjeje, të përjetuar mbi të gjitha nga ata që u gjendën në Milano pa mundësi kthimi në shtëpi dhe pa asnjë lloj kontakti, jo vetëm me botën e jashtme, por as me komunitetin studentor që zakonisht mbush rezidencat universitare.
Studentët që kanë arritur të shkojnë tek familjet e tyre të origjinës ankohen për një shqetësim që rrjedh nga bashkëjetesa e detyruar, ndoshta edhe në hapësira të vogla dhe të mbipopulluara, me shumë pak mundësi për të gjetur vendin e tyre personal ku mund të përqendrohen dhe të punojnë.
Një tablo simptome që i atribuohet një çrregullimi latent ankthi-depresiv u shfaq më shpesh: pothuajse në të gjitha intervistat, studentët ankohen për një ndjenjë apatie të përgjithësuar, pagjumësi, nervozizëm, letargji dhe shpërthime të qarash të pakontrolluara dhe në dukje të pamotivuara.
Bëhet fjalë për studentë që, përveç realitetit akademik, normalisht kishin një jetë të pasur shoqërore të përbërë nga daljet me miqtë, sportet e praktikuara rregullisht dhe në disa raste në mënyrë konkurruese, pasione që varionin nga muzika deri tek udhëtimet.
Deri pak muaj më parë, studimet dhe performanca akademike përfaqësonin një aspekt të mozaikut të botës së tyre shoqërore. Megjithatë, në muajt e fundit, studimi është bërë gjithëpërfshirës, duke rritur investimin emocional dhe ndjenjën e fajit për të mos qenë në gjendje të fokusohen në të vetmin aktivitet të mundshëm.
Për t’iu përgjigjur kësaj nevoje të shtuar, Universiteti i Milanos do të zbatojë një sërë iniciativash kushtuar studentëve: përveç rritjes së numrit të konsulentëve psikoterapistë nga 1 në 4, do të aktivizohet një tavolinë “brishtësie” dedikuar studentëve të të gjitha niveleve për të përballuar rritjen e rasteve të dobësisë psikologjike që janë shfaqur në Universitet, do të ndërmerren veprime për sensibilizimin e komunitetit akademik për çështjen e mirëqenies dhe shëndetit mendor.
“Ne punojmë së bashku me Universitetin Shtetëror të Milanos për të mbështetur studentët tanë që jetojnë në situata të vështira – tha këshilltari rajonal për arsimin Fabrizio Sala. Ky takim përfaqëson hapin e parë drejt krijimit të një tryezë pune me synimin për një bashkëpunim konkret në shërbim të të rinjve”, përfundoi Sala.
“Pandemia, – deklaron Këshilltari për Mirëqenien dhe Shëndetin në Bashkinë e Milanos, Lamberto Bertolé, – na ka bërë më të cenueshëm, duke përforcuar vështirësitë dhe problemet tashmë ekzistuese, duke bërë që të shfaqen të reja dhe duke na ekspozuar më shumë ndaj rreziqeve të shëndetit mendor. Një gjendje që ka prekur veçanërisht të rinjtë, të cilët kanë humbur mundësitë e çmuara për shoqërim dhe marrëdhënie. Urgjenca për të marrë në dorë gjendjen e tyre dhe për të mos nënvlerësuar situatën duket e qartë për të gjitha institucionet. Bashkia e Milanos do të jetë në rreshtin e parë, me besimin se vetëm një qasje e strukturuar do të na bëjë efektivë”.
“Zyra e Shkollës Rajonale për Lombardinë i është bashkuar menjëherë rrjetit që parashikon bashkëpunimin ndërmjet Universitetit Shtetëror të Milanos dhe institucioneve lokale, në mënyrë që mbrojtja e të drejtës për të studiuar të jetë jo vetëm formale, por thelbësore dhe të përkthehet në veprime efektive që synojnë kapërcimin e situatave kritike, përfshirë ato psikologjike, ku përfshihen studentët. Situata kontingjente kërkon që ne t’i kushtojmë vëmendje më të madhe dimensionit emocional dhe relacional të fëmijëve dhe të rinjve që ndjekin shkollat dhe universitetet tona”. Ky është reflektimi i drejtoreshës së përgjithshme të USR Lombardia Augusta Celada.
Burimi lastatalenews.unimi.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
