8 Marsi, Dita Ndërkombëtare e Gruas. Si lindi kjo ditë?

Sot është 8 Marsi, Dita Ndërkombëtare e Gruas, e cila festohet nëpërmjet aktiviteteve të shumta. Në Shqipëri kjo festë është kthyer në një simbol të veçantë për nënat dhe vajzat, të cilat në këtë ditë ndihen të privilegjuara. Ato marrin dhurata nga fëmijët apo bashkëshortët, në shenjë mirënjohje dhe respekti. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi dhe ndërtim në gati 9 dekada.

Dita e Gruas u vendos fillimisht në përkujtim të demonstratës së grave punëtore në Nju Jork.

Zyrtarisht Dita Ndërkombëtare e Gruas u vendos në Shtetet e Bashkuara më 28 shkurt të vitit 1909, ku atë ditë u organizua një manifestim i madh, në të cilin kërkohej e drejta e grave për të votuar. Ky ishte një diskutim i hershëm, si në SHBA (janë të famshëm artikujt e socialistes Corinne Brown), si në Kongresin e VII Ndërkombëtar Socialsit (i mbajtur në Shtutgard në vitin 1907).

Demonstratave që kishin si qëllim votimin, shumë shpejt ju bashkuan edhe pretendime të tjera për të drejtat e grave. Nga nëntori i vitit 1908 deri në shkurt 1909 mijëra punëtore në Nju Jork hynë në grevë për ditë të tëra duke kërkuar rritjen e rrogës dhe përmirësim të kushteve të punës.

Më 25 mars të vitit 1911 kupa u mbush: në fabrikën “Triangle” në Nju Jork shpërtheu një zjarr dhe 146 punonjëse (gra të reja emigrante), humbën jetën. Që nga ky moment manifestimet e grave u shumëfishuan në shumë vende.

Nga Manjola BAÇI,
M.Sc. Psikologe Klinike

Një gjë është e sigurt, forca dhe mbështetja nga protesta në festë për ditën e 8-Marsit e bën sot atë të jetë në qendër të vëmendjes për gruan, nënën.

Mos ki druajtje për të përtypur atë çfarë të takon, për të shijuar e ndjerë ashtu siç vetëm ti di të veprosh. Sot t’i zgjon hare, përkushtim, nga njerëzit që ty të duan më shumë. Sot t’i do dëgjosh fjalë zemre, do e gjesh veten të pikturuar në letra shumëngjyrëshe, çaste magjike.

Dedikimi është për çdo ditë tënden e përmbushur me përkushtimin që ke falur ti.

Artikuj të ngjashëm