Në historinë e partnerit të duhur, të shpirtit binjak, të atij personi që pret vetëm për ne atje jashtë, kemi dëgjuar shumë variante. Nga Disney tek letërsia, na është thënë se një ditë do të gjejmë personin e përsosur për ne dhe çdo gjë tjetër rreth marrëdhënieve tona të këqija apo zhgënjyese do të jetë vetëm një kujtim i zbehtë.
Por, a është vërtet kështu? A ka vërtet një person ideal dhe vetëm ajo mund të na kompletojë brenda një marrëdhënieje? Po sikur të mos e gjejmë kurrë?
NGA E DIMË NE NËSE KEMI GJETUR PARTNERIN E DUHUR?
Tani mes aplikacioneve të takimeve dhe bisedave virtuale, shpesh përfundojmë duke “njohur” një person edhe para se ta kemi takuar atë, edhe nëse shpesh këto profile janë thjesht kopje të bukura, perfekte dhe ideale të personit që do të kemi përpara takimit të parë. Kopje të bukura na japin gjithmonë idenë për të pasur para nesh njerëz të përsosur dhe idealë.
Dhe edhe nëse ndizet një shkëndijë, si të kuptojmë nëse personi përballë nesh është partneri i duhur për ne? Por mbi të gjitha, çfarë do të thotë partneri “i duhur”? Dikë me të cilin të kalojmë pjesën tjetër të jetës? Dikush që në letër duket si personi i përsosur për ne? Dikush si familja dhe miqtë tanë?
Ne mund të flisnim për orë të tëra për karakteristikat e partnerit perfekt dhe ende nuk do ta kishim shteruar temën sepse jo vetëm që jemi të gjithë të ndryshëm dhe kemi nevoja të ndryshme, por edhe sepse nuk ka marrëdhënie ideale.
Ne të gjithë kemi nevojë për gjëra të ndryshme në kohë të ndryshme në jetën tonë dhe një person që është i përsosur për ne kur jemi njëzet mund të mos jetë i duhuri në të 40-tat tona.
SABOTIMI I MARRËDHËNIEVE NGA BRENDA
Ndoshta çështja është se përgjegjësia për përparimin e një marrëdhënieje nuk është gjithmonë në personin tjetër; Nëse gjërat nuk funksionojnë, nuk është sepse nuk e kemi takuar personin “e duhur”.
Në fakt, në shumë raste, ne shpesh vetëm duhet të punojmë për problemet tona dhe mënyrën se si i afrohemi marrëdhënieve në çift – ne fshihemi pas justifikimit të partnerit të duhur për të mos trajtuar se cilat janë problemet tona në të vërtetë.
Shumë probleme brenda çiftit lindin sepse ne jemi qenie njerëzore dhe si të tillë jemi plot me defekte, frikë dhe ankthe dhe nëse nuk kujdesemi për shëndetin tonë emocional dhe psikologjik (si dhe atë fizik) rrezikojmë sabotimin e marrëdhënieve nga brenda, duke fajësuar fatin që ende nuk na ka bërë të gjejmë partnerin e duhur.
Duke kaluar kohë duke kërkuar personin e përsosur mund të na pengojë të gjejmë një partner afatgjatë ose të na bëjë të jetojmë një sërë marrëdhëniesh të palumtura, të cilat duket se nuk jetojnë kurrë në lartësinë e pritjeve tona. Më keq akoma, mund të na bëjë të idealizojmë çdo partner të ri të mundshëm që takojmë, duke i nënshtruar ndaj pritjeve absurde që në mënyrë të pashmangshme do të përfundojnë duke na zhgënjyer.
Por nuk ka asnjë njeri të përsosur që duhet ta gjejmë që më në fund të jemi të lumtur dhe të mos qëndrojmë në një marrëdhënie nga frika se mos jemi vetëm. Për të jetuar në harmoni me një partner ju duhet të ndërtoni marrëdhënie të shëndetshme, të komunikoni dhe të tejkaloni pritjet e paarsyeshme.
Burimi / TheWom.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
