Një mik ose i afërm ju dërgon një dhuratë të menduar për ditëlindjen, diplomimin, martesën, promovimin ose ardhjen e një fëmije. Ju keni çdo qëllim që të shkruani një shënim falënderimi të përzemërt dhe ta dërgoni me postë menjëherë. Por pastaj ju e shtyni. Ose jeni shumë i zënë dhe kjo ju rrëshqet nga mendja. Tani ka kaluar një kohë jashtëzakonisht e gjatë. Kanë kaluar muaj, ndoshta edhe një vit ose më shumë…
Sa më shpejt, aq më mirë
Kur bëhet fjalë për dërgimin e shënimeve falenderuese, të gjithë ekspertët tanë të mirësjelljes ranë dakord: sa më shpejt, aq më mirë. Ekspertja e mirësjelljes, Diane Gottsman, themeluese e Shkollës së Protokollit të Teksasit, thotë se është më mirë të dërgoni falënderimet tuaja me postë brenda një ose dy ditësh, por pranoi se ndonjëherë kjo nuk është një kornizë e arsyeshme kohore. “Të paktën duhet të filloni të punoni me shënime falënderimi në të njëjtën javë të ngjarjes dhe t’i nxirrni brenda asaj jave,” tha ajo për HuffPost.
Por, mos u shqetësoni. Me mirë vonë se kurrë!
Po, është më mirë t’i nxirrni ato shënime falënderimi sa më shpejt që të jetë e mundur. Por ndonjëherë jeta pengohet. Edhe nëse muaj – apo vite! – kanë kaluar, padyshim që ia vlen të dërgohet një, thanë ekspertët tanë të mirësjelljes. “Nuk është kurrë vonë për të dërguar një shënim falënderimi,” tha Gottsman. “Nëse e keni harruar, ose thjesht nuk e keni bërë, qoftë për muaj apo vite, thjesht kërkoni falje për përgjigjen e vonuar dhe më pas falënderojini për bujarinë.”
Edhe nëse e keni falënderuar personin me tekst ose email, një shënim i shkruar me dorë është ende i përshtatshëm.
Ndoshta ke thënë faleminderit dhe ke përqafuar fort tezen kur ajo të ka dhënë personalisht dhuratën. Ose ndoshta i keni dërguar mesazh shokut tuaj për t’i falënderuar kur pakoja mbërriti për herë të parë në pragun tuaj. T’i bësh të ditur dhënësit se artikulli ka arritur në mënyrë të sigurtë te ju është i menduar – por nuk është i mjaftueshëm, tha Smith. “Një falënderim elektronik thotë se jeni kujdesur mjaftueshëm për të bërë më së paku,” tha ajo “Nëse dikush gjeti kohë për t’ju dhënë një dhuratë, ju duhet të merrni pesë minuta shtesë për të shkruar një shënim falënderimi.”
Përgatiti K.I / Burimi www.huffpost.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
