Përsëritja e disa gjesteve, rrezikon të shkaktojë probleme që nuk do t’i çonim kurrë prapa në atë veprim të vogël, dhe me sa duket të padëmshëm. Ky është rasti, i fërkimit të syve, të cilët nëse përsëriten shumë shpesh mund të shkaktojnë në fakt dëme të pakthyeshme.
Shkaqet që na çojnë të fërkojmë sytë janë të ndryshme, që nga kruajtja e shkaktuar nga një kokërr pluhuri ose një qerpik, deri te era që fryn flokët. Megjithatë, ndoshta nuk e marrim parasysh faktin se kokërdhoku i syrit është një nga organet më delikate të trupit tonë dhe fërkimi i tij në mënyrë të përsëritur ose me shumë energji dëmton indet e buta që e rrethojnë. Që këtu, problemet mund të përfshijnë shikimin deri në verbëri.
Këshilla e ekspertëve, është që të mos prekni sytë tuaj dhe, në rastin e sikletit si irritimi, djegia ose tharja, kërkoni për pika syri ose lot artificial. Nëse, nga ana tjetër, ju thjesht nuk mund të mos fërkoni syrin, është thelbësore ta bëni atë butësisht dhe dukshëm me duar të pastra në mënyrë që të mos transferoni bakteret në sytë tuaj.
Dhe për të mbrojtur shikimin, syzet e diellit janë një mjet i çmuar kur jeni jashtë, aq më tepër në ditët kur drita është shumë intensive. Pa mbrojtjen e duhur, në fakt, rrezatimi i drejtpërdrejtë mund të shkaktojë dëmtime që kufizojnë aftësinë vizuale ose një humbje të përkohshme të shikimit.
/Revista Psikologjia
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
