Mes situatës së tensionuar, një depërtim i ri në lidhje me sëmundjen virale ka dalë në pah. Sipas një studimi të botuar në Lancet, një burrë ka dalë dy herë pozitiv për patogjenin. Infeksioni i dytë u tregua shumë më i rëndë se i pari, raportojnë mjekët.
25-vjeçari kishte nevojë për trajtim spitalor pasi mushkëritë e tij nuk mund të merrnin mjaftueshëm oksigjen. Studimi sfidon të kuptuarit aktual rreth asaj se sa imunitet mund të ndërtohet ndaj virusit. Burri nga Nevada nuk kishte raportuar probleme shëndetësore ose probleme me imunitetin që do ta bënin atë shumë të prekshëm nga COVID-19.
Shkencëtarët thonë se pacienti kishte dy infeksione të dallueshme sesa një rigjallërim të infeksionit të parë. Një krahasim i kodeve gjenetike të virusit i marrë gjatë secilit grup të simptomave tregoi se ato ishin shumë të dallueshme për t’u shkaktuar nga i njëjti infeksion.
“Gjetjet tona sinjalizojnë se një infeksion i mëparshëm jo domosdoshmërisht mund të mbrojë nga infeksioni në të ardhmen,” tha Dr. Mark Pandori, nga Universiteti i Nevada.
Mundësia e ri-infektimeve mund të ketë implikime të rëndësishme për kuptuar reagimin e imunitetit tonë ndaj COVID-19. Në bazë të gjetjeve ai tha se edhe njerëzit që janë rikuperuar duhet të vazhdojnë t’i përmbahen udhëzimeve rreth distancës shoqërore, maskave të fytyrës dhe larjes së duarve.
Si duhet t’u përgjigjemi simptomave?
Sipas këshillave shëndetësore, nëse keni ndonjë nga simptomat kryesore të koronavirusit (COVID-19), bëni një test sa më shpejt që të jetë e mundur. Qëndroni në shtëpi dhe mos prisni vizitorë derisa të merrni rezultatin e testit – dilni nga shtëpia juaj vetëm për të bërë testin. Kushdo me të cilin jetoni, duhet gjithashtu të qëndrojë në shtëpi derisa të merrni rezultatin tuaj.
Si mund ta di nëse e kam?
Sipas NHS, simptomat kryesore të koronavirusit janë:
Një temperaturë e lartë – kjo do të thotë që ndiheni të nxehtë kur prekni gjoksin ose shpinën (nuk keni nevojë të matni temperaturën tuaj)
Një kollë e re, e vazhdueshme – kjo do të thotë që kolliteni shumë për më shumë se një orë, ose keni tre ose më shumë episode kollitje në 24 orë (nëse keni zakonisht një kollë, mund të jetë më keq se zakonisht)
Një humbje ose ndryshim i ndjenjës së nuhatjes ose shijes – kjo do të thotë që keni vënë re se nuk mund të nuhatni ose shijoni asgjë, ose gjërat kanë erë ose shije ndryshe nga normalja.
Shumica e njerëzve me koronavirus kanë të paktën një nga këto simptoma.
A mund t’i lehtësoj simptomat e mia?
Aktualisht nuk ka ndonjë trajtim specifik për koronavirusin (COVID-19), por shpesh mund t’i lehtësoni simptomat në shtëpi derisa të shëroheni.
Nëse keni një temperaturë të lartë, duhet të:
- Pushoni shumë
- Pini shumë lëngje (uji është më i miri) për të shmangur dehidratimin
- Merrni paracetamol ose ibuprofen nëse ndiheni jo rehat.
Ka pasur disa lajme për qetësues të dhimbjeve anti-inflamatore, të tilla si ibuprofen, që e përkeqësojnë koronavirusin. Komisioni për ilaçet njerëzore ka konfirmuar se nuk ka prova të qarta se përdorimi i ibuprofen-it për të trajtuar simptoma të tilla si temperatura e lartë përkeqëson koronavirusin.
Burimi / https://www.express.co.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
