Humbja e kujtesës mund të jetë një përvojë e pakëndshme dhe ndonjëherë e frikshme, sidomos nëse shkaktohet nga traumat. Kërkimet kanë treguar se ekziston një lidhje midis traumave emocionale, psikologjike ose fizike dhe kujtesës. Ja për çfarë bëhet fjalë në mënyrë specifike.
Trauma fizike dhe humbje e kujtesës
Këto janë dëmtime serioze ose trauma fizike në trup që mund të shkaktojnë çrregullime të stresit post-traumatik te disa njerëz. Nga ana tjetër, kjo mund të çojë në humbjen e përkohshme të kujtesës. Në këtë rast, humbja e kujtesës është një lloj mekanizmi mbrojtës i pacientit për të përballuar më lehtë përvojën traumatike. Kohëzgjatja e kësaj faze varet nga ashpërsia e dëmtimit.
Traumat e trurit dhe humbja e kujtesës
Çdo formë e traumës mund të shkaktojë stres te individët që në disa raste zgjat më pak dhe në disa raste më gjatë. Ky lloj traumash shpesh shkaktohet nga dëmtimet në kokë, kështu që stresi mund të ndikojë negativisht në zona të ndryshme si hipocampus, amygdala dhe korteksi paraballor. Këto zona të trurit janë të lidhura me funksionin kognitiv dhe kujtesën.
Trauma psikologjike dhe humbje e kujtesës
Trauma psikologjike mund të ndikojë edhe në kujtesën. Përsëri, është një lloj mekanizmi mbrojtës i trupit si mbrojtje nga pasojat negative. Përvojat e dhunës në fëmijëri, abuzimit seksual dhe ngjarjeve të tjera traumatike psikologjike mund të çojnë në amnezi dissociative që i ndihmon fëmijët të përballojnë më lehtë dhe i lejon ata të harrojnë përkohësisht detajet e ngjarjes.
Amnezia dissociative është një gjendje në të cilën një person nuk mund të kujtojë ngjarje të rëndësishme ose detaje të jetës së tij.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
