Kafeja dhe çaji shpesh krahasohen me njëra-tjetrën për sasinë e kafeinës që përmbajnë. Të dyja kanë një trashëgimi shekullore, shijohen në të gjithë botën, vijnë nga bimët, mund të shijohen të nxehtë ose të ftohtë.
Në përgjithësi, pranohet se kafeja përmban shumë më tepër kafeinë sesa çaji. Një kërkim i shpejtë në Google tregon se në 100 ml kafe, ka 40 mg kafeinë, ndërsa për të njëjtin vëllim “çaji”, ka vetëm 11 mg. Por një lloj çaji bie në sy mes të tjerave për sa i përket kafeinës: çaji jeshil. Gjethet e çajit jeshil mund të përmbajnë shumë më tepër kafeinë sesa llojet e tjera të çajit.
Çfarë është çaji jeshil?
Çaji jeshil prodhohet nga bima ‘Camellia sinensis’ , është një çaj në të cilin enzimat janë çaktivizuar. Kjo do të thotë se nuk oksidohet, duke e bërë atë të dallueshëm nga një çaj i zi ose ndonjë nga llojet e tjera të çajit. Megjithatë, çaji jeshil është një term i gjerë, dhe çajrat jeshilë janë të ndryshëm falë metodave të tyre të rritjes, kohës së korrjes dhe metodave të përpunimit.
Krahasimi i përmbajtjes së kafeinës
Kafeina stimulon sistemin nervor, muskujt dhe zemrën kur shpërbëhet. Kjo ndodh sepse krijon kimikate të quajtura neurotransmetues. Këta neurotransmetues (teofilina, paraksantina dhe teobromina) lidhen me receptorët në trurin tuaj. Bazuar në vlerësimet e FDA-së, një filxhan kafeje 8 oz përmban 80 deri në 100 mg kafeinë, dhe një filxhan çaji 8 oz do të jetë diçka si 30 deri në 50 mg. Kokrrat e kafesë përmbajnë më pak kafeinë se çaji jeshil, edhe nëse mesatarja e filxhanit të kafesë është më e lartë. Kjo është për shkak se ne përdorim një sasi shumë më të madhe kafeje sesa gjethet e çajit jeshil për të krijuar çdo pije përkatëse.
Sa e rëndësishme është përmbajtja e kafeinës në çajin jeshil?
Ndërsa kafeja është shpesh e njohur dhe e famshme për përmbajtjen e saj të kafeinës në mbarë botën, çaji jeshil ka një treg paksa të ndryshëm. Efektet anti-inflamatore dhe antioksidante të EGCG mendohet të jenë një nga arsyet kryesore për reputacionin e çajit jeshil si një pije e shëndetshme. Ka njerëz që kërkojnë efektet pozitive shëndetësore të antioksidantëve në çajin jeshil, ndërsa të tjerë kërkojnë kombinimin e kafeinës dhe L-theaninës. Çaji jeshil dhe kafeja shpesh krahasohen për ngjashmëritë e tyre. Dhe ndërsa, në përgjithësi, një filxhan kafe e zier do të përmbajë pak a shumë më shumë kafeinë, është e rëndësishme të kuptojmë se përmbajtja e kafeinës në të dyja pijet në fakt ndryshon shumë. Kjo bazohet në një sërë faktorësh si koha e korrjes, pjekja, përpunimi, speciet (për kafe) dhe mënyra se si prodhohet çdo pije.
Përgatiti K.I / Burimi perfectdailygrind.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
