Rreth 2 miliardë njerëz në botë përdorin faqet e rrjeteve sociale dhe 80 përqind e amerikanëve kanë të paktën një profil të medieve sociale. Mesatarisht një amerikan ka pesë llogari të medieve sociale dhe shpenzon një orë e njëzet minuta në ditë duke i shfletuar. Teitter, Facebook, Linkedin dhe Instagram janë ndër faqet më të njohura të medieve sociale, ndërsa snapchat dhe faqet online takimesh si Tinder dhe Bumble vijnë më pas. Edhe kafshët shtëpiake tani kanë llogaritë e tyre të Facebook dhe Instagram.
Ne jemi vazhdimisht në garë, duke u përpjekur për të postuar videot më të mira, fotot dhe azhurnimet e statusit për të marrë ‘like’, ndjek ose komente megjithatë nën duart e mediave sociale, ne jemi në të vërtetë duke u përpjekur të mburremi dhe të shfaqim momentet më të mira të jetës sonë kur ne mund të jetojmë në mjerim. Ne jetojmë në një botë ku vazhdimisht e krahasojmë jetën tonë me të tjerët dhe shpeshherë nuk marrim kohë për të njohur shkaktarët, humbjet, sfidat, arritjet dhe përpjekjet tona, sepse ne jemi kaq të zënë për t’u paraqitur në formën më të mirë të mundshme. Ne nuk kemi një çast për t’u çlodhur, për të marrë frymë thellë dhe për t’u shkëputur nga bota. Rrallëherë njerëzit postojnë përpjekjet e tyre të përditshme në llogaritë e tyre të mediave sociale, sepse jemi të nxitur nga shoqëria për të shfaqur pjesët më të mira të jetës sonë dhe jo përpjekjet tona.
Uria për reagime pozitive
Shanset janë që ju do të kontrolloni lajmet tuaja në Facebook kur të zgjoheni në mëngjes; ajo është bërë një rutinë e përditshme për shumë njerëz. Studimet kanë treguar ndikimet e përforcimit pozitiv në tru nga pjesëmarrja në mediat sociale. Në fakt, pjesëmarrësit në një studim të njohur treguan një aktivitet më të fortë brenda bërthamës së trurit kur ata morën reagime pozitive rreth vetes, sesa kur panë një person tjetër që merr reagime pozitive.
Kjo mund të çojë njerëzit që të bëhen të varur nga Facebook apo faqet e tjera të mediave sociale. Përditësiet e statusit dhe fotot në mediat sociale shpesh paraqesin një version të idealizuar të realitetit të atij personi.
Studimet kanë treguar se adoleshentët që përdorin mediat sociale për më shumë se dy orë në ditë shfaqin tendenca drejt një çrregullimi të shëndetit mendor, siç është depresioni ose ankthi. Megjithëse nuk është treguar një shkakësi e drejtpërdrejtë, dëshmitë tregojnë një korrelacion midis rrjeteve sociale dhe depresionit në adoleshencë. Kjo mund të kthehet në teorinë e kënaqësisë së çastit dhe vetëbesimit të ulët, ose mund të jetë për shkak të problematikës në rritje të ngacmimit kibernetik, i cili shpesh ndodh në mediat sociale.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
