Këngëtarja me famë botërore, Jennifer Lopez , ka pozuar së fundmi për kopertinën e revistës “Rolling Stone” ku gjithashtu ka folur dhe për jetën e saj dhe marrëdhënien me aktorin, Ben Affleck. Slogani i kopertinës tregon se ajo ‘thyen të gjitha rregullat për të arritur në majë’ ndërsa ndau se motoja e saj ishte ‘në djall të shkojë çdo gjë’. “Po përpiqem të mos tregoj shumë”, tha ajo për revistën. “Jam me të vërtet e lumtur”.
E pyetur rreth marrëdhënies së saj me Ben Affleck, artistja ka treguar se nuk dëshironte të fliste shumë për këtë temë.
“Nuk do të flas shumë për këtë. Jemi rritur të dy. Ne jemi të njëjtë, dhe ne jemi të ndryshëm. Dhe kjo është ajo që është e bukur”, tha ajo për publikimin. “Të kesh një shans të dytë për dashurinë e vërtetë … po. Siç thashë, mësuam shumë. Ne e dimë se çfarë është e vërtetë, çfarë nuk është e vërtetë. Pra, është thjesht loja ka ndryshuar”.
Ajo ka treguar se kanë gjetur mënyrën sesi ta jetojnë lidhjen e tyre duke pasur ekuilibër dhe gjithashtu përvojat e jetës i ka ndihmuar në ecurinë e marrëdhënies
“Unë nuk mendoj se do të ishim përsëri së bashku nëse do të mendonim se ku po shkonte lidhja jonë,” shpjegoi ajo. “Ndihemi sikur ajo që gjetëm përsëri është shumë më e rëndësishme dhe mënyra se si e mbrojmë atë dhe si e jetojmë jetën tonë, çfarë të ndajmë, çfarë të mos ndajmë është ekuilibri që kemi tani, përfitimi i përvojës dhe mençuria. që kemi fituar me kalimin e viteve.
Por ajo është e bindur se Beni, është mashkulli perfekt për të.
“Është një rezultat i bukur që kjo ka ndodhur në këtë mënyrë në këtë kohë të jetës sonë, ku ne mund ta vlerësojmë dhe respektojmë njëri-tjetrin. Ne e kemi bërë gjithmonë, por kemi edhe më shumë vlerësim sepse e dimë që jeta mund të na çojë në drejtime të ndryshme”, është shprehur këngëtarja.
Romanca e Jennifer dhe Ben tërhoqi një vëmendje të madhe në fillim të viteve 2000. Ajo tha: “Unë mendoj se ne jemi mjaft të fortë tani për të ditur se çfarë është e vërtetë dhe çfarë jo, ndërsa kur ishim më të rinj ndoshta disa nga ato zëra të jashtëm ishin pak më të vështira për ne që të pajtoheshim dhe të rezistonim.”
Burimi / PanoramaPlusOnline
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
