Akademia e Arteve dhe Shkencave të Filmit ka njoftuar fillimin e “procedurave disiplinore” kundër Will Smith për sjelljen e tij në Oscar.
Akademia tha në një deklaratë se Bordi i saj i Guvernatorëve ka filluar procesin e disiplinimit të Smith për “kontakt fizik të papërshtatshëm, sjellje abuzive ose kërcënuese dhe komprometim të integritetit të Akademisë”.
Akademia tha gjithashtu se Smith-it iu kërkua të largohej nga Oscars pasi e goditi Chris Rock-un në skenë dhe i bërtiti, por aktori refuzoi. Smith fitoi Oscarin për aktorin më të mirë me rolin e tij në “King Richard”, duke mbajtur një fjalim të përlotur në skenë.
“Gjërat u shpalosën në një mënyrë që nuk mund ta kishim parashikuar”, thuhet në deklaratën e Akademisë. “Ndërsa ne dëshirojmë të sqarojmë se zotit Smith iu kërkua të largohej nga ceremonia dhe refuzoi, ne gjithashtu e kuptojmë se mund ta kishim trajtuar situatën ndryshe”. Akademia gjithashtu dënon veprimet e Smith si një “ngjarje thellësisht tronditëse, traumatike për t’u dëshmuar personalisht dhe në televizion” dhe i kërkon falje Rock, të cilin Smith e goditi në skenë për një shaka për kokën e rruar të gruas së tij Jada Pinkett Smith.
Si rezultat i veprimeve të Smith, Akademia i ka dhënë aktorit “15 ditë kohë për një votim në lidhje me shkeljet dhe sanksionet e tij dhe mundësinë për t’u dëgjuar paraprakisht me anë të një përgjigjeje me shkrim”. Akademia tha se mund të vendosë të marrë masa të tjera disiplinore, duke përfshirë pezullimin, përjashtimin ose sanksione të tjera, në mbledhjen e radhës të bordit, në 18 prill.
Në një deklaratë të mëparshme të hënën pasdite, Akademia tha se kishte në plan të hetonte incidentin: “Akademia dënon veprimet e zotit Smith në shfaqjen e mbrëmshme. Ne kemi filluar zyrtarisht një shqyrtim rreth incidentit dhe do të shohim veprimet dhe pasojat e mëtejshme në përputhje me aktet nënligjore, standardet e sjelljes dhe ligjin e Kalifornisë”.
Ndërsa Rock po prezantonte çmimin për filmin më të mirë dokumentar, komediani bëri një shaka me Pinkett Smith. Rock tha se mezi priste ta shihte yllin e saj në “G.I. Jane 2”, duke iu referuar kokës së saj të rruar. Vitin e kaluar, Pinkett Smith tha se ajo i shkurtoi flokët, pasi vajza, Willow, e inkurajoi atë për ta bërë këtë. Ajo gjithashtu zbuloi se që nga viti 2018 vuan nga alopecia, një sëmundje autoimune që rezulton në rënie të rëndë të flokëve.
Gjithashtu Smith ndau një deklaratë në Instagram, duke dënuar dhunën “në të gjitha format e saj” dhe duke i kërkuar falje Rock, Akademisë, producentëve të Oscars, të gjithë të pranishmëve dhe të gjithëve atyre që e kanë ndjekur nga shtëpia.
“Sjellja ime në ndarjen e çmimeve Oscar mbrëmë ishte e papranueshme dhe e pafalshme”, shkroi ai, duke shtuar se “reagoi emocionalisht”. “Unë ndihem i turpëruar dhe veprimet e mia nuk tregojnë burrin që dua të jem. Nuk ka vend për dhunë në një botë dashurie dhe mirësie”.
Në fillim, u duk se Smith qeshi me shakanë, por më pas u ngrit dhe goditi Rockun në fytyrë ndërsa ai qëndronte në skenë. Rock dukej se ishte i tronditur ndërsa Smith u ul dhe bërtiti dy herë: “Mbaje emrin e gruas sime larg nga goja jote.
Gjatë fjalimit të pranimit të çmimit për aktorin më të mirë, Smith i kërkoi falje Akademisë, por jo Rock.
“Më bëjnë thirrje në jetën time të dua dhe të mbroj njerëzit dhe të jem një lumë për njerëzit e mi”, tha ai mes lotësh. “Unë di të bëj atë që bëjmë ne, ju duhet të jeni në gjendje të përballoni abuzimin. Në këtë biznes, ju duhet të jeni në gjendje të keni njerëz që nuk të respektojnë. Dhe duhet të buzëqeshësh dhe të pretendosh sikur kjo është në rregull”.
Ai vazhdoi: “Arti imiton jetën. Unë dukem si babai i çmendur, ashtu siç thanë për Richard Williams. Por dashuria do t’ju bëjë të bëni gjëra të çmendura”. Pinkett Smith theu heshtjen e saj për incidentin të martën, duke shpërndarë një thënie në Instagram ku shkruhej: “Ky është një sezon për shërim dhe unë jam këtu për të”.
Burimi / https://www.usatoday.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
