Arena Boxing Club & Fitness u themelua në vitin 2013 dhe u konceptua në fillim si një palestër e mirëfilltë boksi për përgatitjen e kampionëve të ardhshëm në boks falë pasionit dhe njohurive të dy vëllezërve themelues, Fatjon dhe Albi Sorra. Fatjoni dhe Albi njihen gjerësisht në komunitetin e sportit në Shqipëri dhe veçanërisht në atë të boksit. Fatjoni disa gjerë kampion kombëtar për peshat e rënda ndërsa Albi përveçse kampion i shumëfishtë kombëtar edhe medalist në Europë dhe Botë, po ashtu në boks profesionist me 7 fitore dhe asnjë humbje, por për shkaqe shëndetësore u detyrua të heqë dorë.
Fatjoni ka mbaruar studimet dhe master për “Ekonomi dhe Agrobiznes”, “Shkencat e Lëvizjes” tek Universiteti Sporteve dhe “Drejtësi”.
Albi ka mbaruar studimet e larta në Moskë të Rusisë për “Edukim Fizik dhe Sport”.
Rezultat e para erdhën shumë shpejt, që në vitin 2016 ku “Arena Team” u shpall kampione Shqipërie për U-18 dhe në vazhdim numërohen rreth 20 kampionë kombëtar në të gjitha kategoritë e moshave dhe peshave. Duke parë interesin e madh të masave të gjera të njerëzve për sportin e boksit për shkak të përfitimeve të saj, Arena Boxing Club & Fitness është kthyer në një vend për të gjithë dhe jo vetëm për kampionët. Pjesë e saj janë meshkuj dhe femra të të gjitha moshave dhe niveleve për qëllime Fitness-i, vetëmbrojtje, kompetitive apo dhe thjesht si të apasionuar pas boksit. Me kalimin e kohës u shtua klasa e “Multi-Fit” e drejtuar nga instruktore Marina Tasho, e dedikuar vetëm për femra, me një larmi të madhe disiplinash siç janë: crossfit, pilates, tabata, HIIT, powerlifting, aerobi etj. Edhe klasat e boksit janë pasuruar, ku është krijuar edhe një klasë boksi vetëm për femra me qëllime fitness-i drejtuar nga boksieria profesioniste Griselda Torollari.
Në stafin e trajnerëve përveç Fatjonit, Albit, Marinës dhe Griseldës janë edhe trajnerët e rinj Armi Kovaçi dhe Zani Pepa.
Palestra përveç kushteve ideale të boksit ofron edhe zonën e peshave dhe cardio-s. Stërvitja me trajner personal mbetet shërbimi më i kërkuar dhe që sigurisht sjell rezultatet më të mira.
Boksi, sport jo vetëm për meshkuj!
Në Shqipëri ekziston mendësia se boksi është një sport burrëror dhe i ashpër dhe këtë sport duhet ta bëjnë vetëm meshkujt. Kjo nuk është aspak e vërtetë. Boksi kërkon të njëjtat cilësi fizike dhe morale, të cilat i zotërojnë të dyja sekset, ndaj dhe të dy sekset mund ta praktikojnë dhe të përfitojnë. Emra të mëdhenj të shoubizit në botë kanë boksin si mjetin kryesor për të cilin i janë mirënjohës për ruajtjen e bukurisë siç janë: Jennifer Lopez, Naomi Campbell, Gigi Hadid, Khloe Kardashian, Shay Mitchell, Jennifer Garner. Po ashtu, në botën e boksit profesionist, boksi i femrave ka vëmendjen më të madhe ndonjëherë në historinë e këtij sporti. Emancipimi i shoqërisë shqiptare ka bërë që jo vetëm vajzat e reja por edhe gratë të zgjedhin këtë mënyrë alternative magjike për të ruajtur shëndetin fizik dhe atë mendor, dhe tek Arena Boxing Club & Fitness nuk është i vogël numri i tyre. Boksieria jonë profesioniste Griselda Torollari është një prej vajzave të cilat e përfaqëson denjësisht boksin e femrave. Përveç ambicieve për karrierën e saj profesioniste, ajo ka marrë përsipër të ndihmojë dhe të promovojë më tepër këtë sport mes femrave. Për këtë arsye ajo ka hapur klasën e saj të boksit për qëllime fitness-i.
OFERTAT E FUNDVITIT
Arena Boxing Club & Fitness tashmë e ka traditë që për të gjithë muajin dhjetor t’i japë mundësinë të gjithëve të përfitojnë më shumë dhe më lirë shërbimet tona.
Prej datës 1 dhjetor do të jenë të vlefshme ofertat për klasat e boksit dhe Multi-Fit si më poshtë:
– Paguaj 2 muaj dhe përfiton 1 muaj falas
– Paguaj 4 muaj dhe përfiton 2 muaj falas
– Paguaj 6 muaj dhe përfiton 3 muaj falas
– Paguaj 8 muaj dhe përfiton 4 muaj falas
Ofertë speciale vetëm për klasën e boksit për femra:
– Paguaj 5 muaj dhe përfiton 5 muaj të tjerë falas
Adresa: Rruga “Stavri Themeli”, pranë qendrës GLOBE, tek ish-Parku i Autobusëve, Tiranë
E-mail : [email protected]
Website : www.arenaboxing.al
Facebook: Arena Boxing Club & Fitness
Instagram: Arenafitbox
Tik Tok: Arenafitbox
Tel & WhatsApp: +355692237527
Botuar në Revistën Psikologjia Dhjetor Nr. 186 – Viti 2022
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
