Arresti kardiak është në thelb një mosfunksionim elektrik në zemër që shkakton rrahjen e parregullt të zemrës. Ka më shumë gjasa që ky problem të shfaqet gjatë larjes, dushit, për shkak të stresit që këto aktivitete mund të shkaktojnë në trup.
Shumica e njerëzve sforcohen gjatë lëvizjeve të zorrëve, gjë që shkakton stres në zemër. Te njerëzit, funksioni i zemrës së të cilëve është tashmë i dëmtuar, ky veprim i përditshëm mund të çojë në arrest të papritur kardiak. Shkuarja në tualet mund të shkaktojë edhe të ashtuquajturin reaksion vasovagal, sepse krijohet presion në nervin vagus, i cili ndonjëherë mund të ngadalësojë rrahjet e zemrës.
Dushi në ujë shumë të ftohtë (temperatura e ujit nën 21°C) ose shumë e nxehtë (temperatura e ujit mbi 44°C) mund të ndikojë shpejt në zemër. Meqenëse temperatura e trupit ndryshon me shpejtësi në dush, kjo mund të çojë në tendosje në arteriet dhe kapilarët. Ju duhet të telefononi menjëherë për ndihmë nëse përjetoni dhimbje gjoksi, marramendje, të vjella, të fikët.
Ndërkaq, sipas një studimi të botuar së fundmi në Gazetën e Shoqatës Amerikane të Zemrës, shumë njerëz ndërpresin zakonet e shëndetshme që kishin të përfshirë në jetën e tyre të përditshme me qëllim të shëndetit të mirë të zemrës, kur fillojnë të marrin disa ilaçe të lidhura me to. Studiuesit në Finlandë morën në studim 41,224 njerëz që nuk vuanin nga sëmundjet kardiovaskulare dhe mblodhën të dhëna shëndetësore si indeksi i masës trupore, aktiviteti fizik, konsumi i alkoolit, pirja e duhanit dhe nëse pjesëmarrësit merrnin statina ose ilaçe antihipertensive.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
