Në ditët e nxehta të verës, nuk ka gjë më freskuese se një fetë shalqi. Madje këshillohet të konsumohet sa më shumë, pasi përmban përqindje të lartë uji, që ndihmon në dobësim.
Përveç dobësimit, këto janë 7 arsyet pse duhet të konsumoni shalqi çdo ditë:
- Parandalon kancerin
Shalqiri përmban sasi të larta të vitaminës C, beta-karoten, likopen. Këto anioksidantë të fuqishëm mbrojnë organizmin nga dëmet e radikaleve të lira. Kur radikalet e lira janë me tepri dëmtojnë ADN-në dhe mund të shkaktojnë kancer. Likopeni në shumë kërkime shkencore ka rezultuar efikas kundër qelizave kanceroze.
- Përmbajtje e lartë e antioksidantëve
Një fetë shalqi ofron 21% të sasisë së vitaminës C dhe 17% të vitaminës A që i duhet trupit. Gjithashtu është në gjendje të furnizojë edhe me një përqendrim të lartë të likopenit.
- Forcon sistemin imunitar
Përqendrimi i lartë i vitaminës C tek shalqiri i jep shtysë sistemit tonë për t’i shndërruar qelizat e “bardha” në qeliza luftarake të forta.
- Ju siguron energji
Është i pasur me vitamina të grupit B, të cilat janë konsideruar vitaminat themelore për prodhimin e energjisë (mes të cilave vitaminën B1 dhe vitaminën B6). Shalqiri ka përqendrim të lartë të potasit dhe magnezit.
- Përmirëson shëndetin e zemrës
Një kërkim i bërë në universitetin e Kentakit ka dëshmuar se konsumimi i shalqirit ka ndikim pozitiv te arteriet. Disa minj laboratorësh janë ushqyer me lëng shalqiri dhe kanë rezultuar me akumulimin e më pak yndyrnave në arterie krahasuar me ata që janë ushqyer vetëm me ujë.
- Është në gjendje të ulë presionin e gjakut
Disa prej aminoacideve të pranishme te shalqiri ndihmojnë relaksimin e enëve të gjakut, që mund ta mbajnë presionin arterial në nivele normale.
- Në ndihmë të shëndetit të syve
Shalqiri ka një burim të madh luteine, një krotenoid i njohur për mbrojtjen e syve nga sëmundje të shumta që lidhen me moshën. Pra forcon shikimin dhe përmirëson sëmundjet e syrit që lidhen me plakjen sikurse degjenerimi makular dhe kataraktet.
Burimi / gsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
