Pranvera tashmë po fillon të ndihet me ditë më të ngrohta dhe më të gjata: asgjë nuk është më e mirë se fundjava, për të kaluar pak kohë larg shtëpisë
Koha e lirë, argëtimi, mirëqenia dhe shëndeti: çfarë mund të kërkoni më shumë se një shëtitje e këndshme në natyrë? Pas ditëve të ftohta të dimrit, të cilat ju ftojnë të qëndroni në shtëpi, ka ardhur koha që zemra dhe mendja të hapen, që të dalin nga shtëpia dhe të shpenzojnë sa më shumë kohë të jetë e mundur në mes të natyrës.
Kjo është ajo që dijetarët thonë: shpenzimi i një pjese të kohës sonë në natyrë na zgjat jetën dhe shton lumturinë në krahasim me ata që nuk e bëjnë këtë. Një ilaç i vërtetë me shumë efekte të dobishme: këtu janë disa arsye të mira për të qëndruar larg smogut dhe zhurmës dhe të shijoni një fundjavë të shëndetit të mirë.
Depresioni largohet: ushtrimi në natyrë është i dobishëm për luftimin e depresionit dhe ankthit. Ecja në natyrë mund të bëhet një ndihmë e shkëlqyer për të shtuar një trajtim mjekësor të përshkruar në rastet e depresionit të rëndë. Nëse jemi pranë ujit, për shembull duke ecur përgjatë lumenjve apo edhe liqeneve, efekti zbutës shumëfishohet dhe bëhet një mjet i jashtëzakonshëm kundër ankthit.
Zvogëlohen problemet me shikimin: nëse në vend të shpenzimit të kohës së lirë në shtëpi, ndoshta duke luajtur me telefon ose duke bërë detyrat e shtëpisë, nxjerrja e fëmijëve jashtë, do të zvogëlonte në masë të madhe rrezikun e zhvillimit të sëmundjeve që lidhen me shikimin, si miopia. Jo vetëm që rritja e kohës së kaluar në kontakt me natyrën, redukton këtë defekt pamor, por gjithashtu kontribuon në parandalimin e progresit.
Asnjë shpërqendrim: të jesh jashtë dhe të ecësh do të të ndihmojë të rifitosh aftësinë për t’u përqendruar. Larg nga zhurmat, dritat, konfuzionet dhe pa ritmin e furishëm të qytetit, mundësia e meditimit dhe e përqendrimit rritet shumë. Një mënyrë e shkëlqyer për të gjetur zgjidhjen e problemeve të shumta, të vogla dhe të mëdha, të jetës së përditshme, që shpesh na mbulojnë.
Lamtumirë stresit: sipas Organizatës Botërore të Shëndetësisë, të jetuarit sa më afër hapësirës dhe natyrës, përmirëson shëndetin tonë dhe zbut efektet e ndotjes, ndryshimeve klimatike dhe shkatërrimin e biodiversitetit. Por nuk mbaron me kaq: sipas Institutit për Politikat Evropiane Mjedisore, të qenit në kontakt me natyrën ul nivelin e stresit dhe rrjedhimisht kortizolit, duke dhënë efekte pozitive për mirëqenien fizike dhe mendore, si aftësia për t’u përqendruar dhe përmirësuar humorin.
Ndjeshmëria në krye: të qenit në kontakt me natyrën është thelbësore jo vetëm për të përmirësuar gjendjen psiko-fizike, por edhe për të mprehur shqisat tona dhe aftësinë njohëse. Kur jemi larg qytetit, shpesh me erë të keqe dhe me zhurma, mund të marrim frymë thellë me aromën e natyrës, dëgjojmë tingujt, kuptojmë dallimet në tokë dhe vlerësojmë ngjyrat. Një zbulim i bukur, veçanërisht nëse bëjmë një punë që duhet të qëndrojmë brenda në shtëpi gjatë gjithë ditës pa mundësinë për të shtrirë këmbët tona dhe për të pastruar idetë me një shëtitje të vogël freskuese.
Gjumë të ëmbël: të kesh mundësi të kalosh disa ditë të zhytur në një mjedis të gjelbër dhe natyror është një mënyrë e përkryer për të akorduar me bioritmet tona. Në fakt, trupi ynë përdoret për të rregulluar veten duke ndjekur ritmet e natyrës: të qenit në kontakt me mjedise të pakonceptuara dhe relaksuese, larg nga rutina e qytetit, ndihmon për rregullimin e funksioneve hormonale dhe ritmeve të qarkullimit, të cilat përcaktojnë ciklin e zgjimit dhe gjumit.
Përgatiti: Brikela Daci | Burimi / www.tgcom24.mediaset.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
