Truri mund të kujtojë apo harrojë me një komandë. Dhe kontrolli i këtij procesi varet nga mekanizmi që konsolidon kujtimet.
Studimi i Universitetit Amerikan të Texas në Austin është bazuar mbi teknikat e diagnostikimit përmes imazheve, të tilla si rezonanca magnetike funksionale. Studimit i janë nënshtruar një grup vullnetarësh, të cilëve u është kërkuar të kujtojnë imazhe të lidhura me skena apo fytyra të panjohura.
Rezultoi se kujtimet e një përvoje të padëshiruar sjellin një nevojë për t’i harruar ato. Kjo sipas ekspertëve tregon ekzistencën e një lidhjeje mes kontrollit të vullnetshëm dhe fatit të kujtimeve. Pra të dyja proceset, si ai i kujtesë edhe i harresës, varen nga mekanizmi që kontrollon kujtimet në tru.
Burimi / KlanPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
