Njerëzit e pakënaqur kanë një gjë të përbashkët: fajsojnë të tjerët! Ata janë mësuar të tregojnë gishtin akuzues tek të tjerët. Nëse ndodh diçka e pakëndshme, gjithmonë është faji i dikujt.
Nëse keni një person që i pëlqen të kritikojë, duhet të jeni të kujdesshëm! Mund t’ju infektojë me negativitetin e tij/ saj, duke krijuar një mungesë disekuilibri emocional brenda jush. Kjo është arsyeja pse është jetike të mbrosh hapësirën fizike dhe psikologjike.
Ajo që të tjerët mendojnë për ju, korrespondon me realitetin e tyre, jo me ty.
E vërteta është se pas një kritike destruktive, injoranca ose mohimi pothuajse gjithmonë është i fshehur. Thuhet se kritikat mund të jenë konstruktive, por është mirë të kini kujdes kur ato bëhen shkatërruese.
Në raste të tjera njerëzit kritikojnë, sepse shohin tek ju disa karakteristika ose dëshira të tyre, të cilat nuk duan t’ua njohin.
Në praktikë, ndonjëherë kritika destruktive nuk është asgjë më shumë se një mekanizëm mbrojtës i njohur si “projeksion”. Në këtë rast, personi projekton për ndjenjat, dëshirat apo impulset e tjera që janë shumë të dhimbshme ose që ai nuk është në gjendje t’i pranojë, në mënyrë të tillë ai i percepton ato si diçka të huaj dhe të dënueshme.
Ka njerëz që, me qëllime të këqija ose pa ndonjë lloj kriteri, japin mendimin e tyre për çdo rrethanë, edhe kur nuk ua kërkojnë mendimin e tyre. Qëllimi i këtyre kritikave të maskuara është të lëndojnë, të përçmojnë dhe të shijojë shqetësimin e të tjerëve.
Ata që e bëjnë këtë zakonisht kanë vetëbesim të ulët, nuk mund ta pranojnë veten dhe shumë më pak të tjerët. Këtu shpjegohet lehtësia e tyre në gjykimin dhe etiketimin!
Mos i jepni rëndësi asaj që thonë të tjerët!
Edhe nëse jemi të bindur për të kundërtën, askush nuk është në gjendje të dekodojë ndjenjat e të tjerëve. Më e rënda dhe e gabuara që mund t’i bëni vetes është që t’i kushtoni shumë rëndësi asaj që thonë të tjerët për ju. Dini se njerëzit më të pakënaqur në botë janë ata që shqetësohen shumë për atë që mendojnë të tjerët.
Nëse i kushtoni shumë vëmendje kritikave, ju rrezikoni mirëqenien dhe ekuilibrin tuaj emocional. Në fakt, kaloni kohën tuaj duke u përmirësuar dhe përmirësuar mjedisin tuaj. Mos harroni, ju jetoni vetëm një herë: mos mendoni se koha juaj është shumë e çmuar për të qenë pas atyre që nuk mund të të vlerësojnë ty.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
