Vera pranë nesh lind energji të reja: të jesh në sintoni me të, do të thotë t’i japësh jetës një shkundje dhe të provosh mirëqenien e vërtetë.
Të mësuar me mprehtësinë e përditshmërisë dhe efikasitetin e acaruar të kohës sonë, burrat dhe gratë sot, shpesh nuk shohin ose u japin pak peshë gjërave thelbësore në jetë. Për shembull, nuk i kushtojmë vëmendje të mjaftueshme ngjyrës së qiellit, e cila ndryshon në çdo stinë dhe u kushtojmë vetëm një vështrim të shpërqendruar ndryshimeve që sjellin ciklet natyrore më vete. “Ndryshimi i sezonit” për ne do të thotë, në rastin më të mirë, zbrazja e sirtarëve të trikove dhe mbushja e tyre me veshjet në modë. Është një qëndrim i rrezikshëm: të ndarë nga natyra jemi të ndarë nga matrica jonë origjinale dhe përfundojmë të mbetemi të pakënaqur. Prandaj, gjithmonë duhet të kujtojmë se trupi, dora dhe psikika në veçanti jetojnë pas ritmeve natyrore dhe transformimeve. Jemi ne që nuk e vërejmë dhe e detyrojmë veten të bëjmë gjëra për të cilat nuk kemi lindur.
ÇDO GJË MATUROHET, EDHE TI
Mësojmë të rimarrim dimensionin dhe ritmet e stinëve. Mund ta bëjmë menjëherë: vera si kohë, psikika jonë po e percepton. Është stina në të cilën shumica e frutave piqen, të korrat janë prerë, ritmet e ditës ngadalësohen ndërsa mbrëmjet e gjata nxisin dëshirën për t’u takuar, për t’u argëtuar, për të bërë dashuri … është koha e dritës së plotë që largon melankolinë, kohën e korrjes së farës, të kënaqësisë. Por është gjithashtu një kohë soditjeje: ora e mesditës me nxehtësinë e saj predispozon fjetjen. Bota e ëndrrave, në të cilën vendoset egoja, vendoset në mes të ditës. Kjo është ora e mungesës, në të cilën mendimet dhe reflektimet zbehen dhe shfaqet një soditje e zhytur dhe e kënaqur.
SHMANGNI GABIMET E ZAKONSHME
Është e nevojshme të reflektohet në një fakt: këto energji “verore” janë krejtësisht e kundërta e argëtimit të detyrueshëm, ato janë njëmijë kilometra larg standardeve konsumiste me të cilat ne shpesh mbushim ditët tona të pushimeve. Largimi nga këto modele, në këtë kohë, mund të na bëjë vetëm mirë.
Përgatiti: Orjona TRESA | Botuar në Revistën “Psikologjia”, Nr. 170
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
