Dëshmi

August 14, 2018 | 8:20

Çdo ditë bëhemi gjithnjë e më të varfër, sepse nuk e respektojmë më natyrën!

prova123

Një baba i pasur, duke dashur që djali i tij të dijë se çfarë do të thotë të jesh i varfër, e bëri atë të kalonte një ditë me një familje fshatare. Fëmija kaloi 3 ditë dhe 3 net në fusha. Kur u kthye në qytet, sërish me makinë, babai i tij e pyeti:

– Çfarë do më thuash për përvojën që kalove?

– Epo, – u përgjigj djali.

– A mësove diçka? – insistoi ati i tij.

Dhe djali i renditi:

fshat1

1 – Që ne kemi një qen, ndërsa ata kishin katër.

2 – Që ne kemi një pishinë me ujë të trajtuar, në fund të kopshtit. Ata kanë një lumë, me ujë të pastër kristal, peshk dhe gjëra të tjera të bukura.

3- Që ne kemi dritë elektrike në kopshtin tonë, ndërsa ata kanë yjet dhe hënën që i ndriçojnë.

4 – Që kopshti ynë të arrin deri te muri. I tyre ishte deri në horizont.

5 – Që ne e blejmë ushqimin tonë; ata e kultivojnë, e korrin dhe e gatuajnë vetë.

6 – Që ne dëgjojmë CD… Ata dëgjojnë një simfoni të vazhdueshme të papagajve, bulkthave dhe kafshëve të tjera… e gjithë kjo, ndonjëherë shoqëruar nga kënga e një fqinji që punon tokën.

7 – Që ne përdorim mikrovalë. Ajo që ata gatuajnë, ka shijen e zjarrit të ngadaltë.

8 – Që ne për të mbrojtur veten, jetojmë të rrethuar nga kontrolle alarmi… Ata jetojnë me dyer të hapura, të mbrojtur nga miqësia e fqinjëve të tyre.

9 – Që ne jetojmë duke komunikuar me telefon, kompjuter, televizor. Ata janë të lidhur me jetën, qiellin, diellin, ujin, fushat, kafshët, hijet dhe familjet e tyre.

fshati

Babai i djalit mbeti shumë i impresionuar nga ndjenjat e të birit. Në fund, djali përfundon:

Faleminderit që më mësove se sa të varfër jemi!

Çdo ditë bëhemi gjithnjë e më të varfër sepse nuk e respektojmë më natyrën!

Përgatiti Orjona TRESA / Burimi web

To Top

Powered by themekiller.com anime4online.com animextoon.com apk4phone.com tengag.com moviekillers.com